យុវជន​ខ្មែរ​ប្រារព្ធ​បុណ្យ​គ្រិស្តម៉ាស់​គគ្រឹក​គគ្រេង

ប៉ុន្មាន​ឆ្នាំ​ចុងក្រោយ​នេះ យុវជន​ខ្មែរ​កាន់​តែ​ច្រើន​ឡើងៗ​ហាក់​ពេញ​និយម​ប្រារព្ធ​ពិធី​បុណ្យ​របស់​បរទេស ដែល​នាំ​ឲ្យ​មាន​ទស្សនៈ​ខ្លះ​បារម្ភ​ថា ឥទ្ធិពល​វប្បធម៌​បរទេស​កំពុង​ជះ​ឥទ្ធិពល​យ៉ាង​រហ័ស​លើ​យុវជន​ខ្មែរ។ ជាក់ស្ដែង ថ្ងៃទី២៥ ខែ​ធ្នូ ជា​បុណ្យ​គ្រិស្តិម៉ាស់ ឬ​បុណ្យ​ណូអែល​ របស់​គ្រិស្ត​សាសនិក នៅ​រាជ​ធានី​ភ្នំពេញ​ គេ​ឃើញ​យុវជន​ខ្មែរ​ប្រារព្ធ​បុណ្យ​នេះ​យ៉ាង​គគ្រឹក​គគ្រេង ដោយ​ពួកគេ​ផ្ញើ​សារ​ជូន​ពរ​គ្នា និង​ទិញ​កាដូ​ឲ្យ​គ្នា​ទៅ​វិញ​ទៅ​មក។ បុណ្យ​បរទេស​ដែល​ខ្មែរ​យើង​ពេញ​និយម​ប្រារព្ធ រួមមាន បុណ្យ​នៃ​ក្ដី​ស្រលាញ់ (valentine's day) បុណ្យ​ហាឡូវីន និង​បុណ្យ​គ្រិស្ត​ម៉ាស់៕