#ការនាំចេញកង់

ការនាំចេញកង់ និងគ្រឿងបង្គុំកង់ បានក្លាយជាទំនិញដែលមានការនាំចេញច្រើនជាងគេក្នុងរយៈពេល៣ឆ្នាំជាប់គ្នា ពោលគឺចាប់ពីឆ្នាំ២០២០ រហូតដល់ឆ្នាំ២០២២។ ខណៈនៅឆមាសទី១ ឆ្នាំ២០២៣ ការនាំចេញកង់ និងគ្រឿងបង្គុំកង់ពីតំបន់សេដ្ឋកិច្ចពិសេសនៅកម្ពុជាសម្រេចបានក្នុងទំហំទឹកប្រាក់ជាង៣៣០លានដុល្លារ។ ហើយសូមជម្រាបថាមុខទំនិញដែលបាននាំចេញពីតំបន់សេដ្ឋកិច្ចពិសេសនៅកម្ពុជា ភាគច្រើនស្ថិតក្នុងវិស័យមិនមែនកាត់ដេរសម្លៀកបំពាក់ ស្បែងជើង និងផលិតផលធ្វើដំណើរ មានរហូតដល់ជាង៩០% ឯណោះ។