#មេដឹកនាំតៃវ៉ាន់

លោក ឡៃ ជិងតេ (Lai Ching-te) ប្រធានាធិបតីកោះតៃវ៉ាន់ថ្មី បានចូលកាន់តំណែងនៅថ្ងៃចន្ទសប្តាហ៍នេះ ស្របពេលដែលចិន បានបង្ហាញការខឹងសម្បារ និងបន្តតាមដានយ៉ាងយកចិត្តទុកដាក់ ក្រោយគេជឿថា ប្រធានាធិបតីថ្មីរូបនេះជាមេដឹកនាំមានទស្សនវិស័យជាអ្នកបំបែកខ្លួនដូចគ្នានឹងលោកស្រី សៃ អ៊ីង វេន (Tsai Ing-wen) ដែលទើបបញ្ចប់អាណត្តិ។ នៅមុនពិធីស្បថចូលកាន់តំណែងនេះ សារព័ត៌មានរដ្ឋចិន បានព្រមានលោក ឡៃ ខណៈដែលអាជ្ញាធរតៃវ៉ាន់ បានរាយការណ៍ពីសកម្មភាពយោធាចិន មកលើកោះ ដែលគ្រប់គ្រងដោយលទ្ធិប្រជាធិបតេយ្យមួយនេះ។