#ផ្ការំដួល

អង្ករកម្ពុជាពូជ«ផ្ការំដួល» ទទួលបានជ័យលាភីលេខ១ សម្រាប់ឆ្នាំ២០២២ ជាអង្ករល្អដាច់គេលំដាប់ថ្នាក់ពិភពលោក នៅក្នុងការប្រកួតប្រជែងនៃវេទិកាស្រូវ-អង្ករពិភពលោក ដែលបានប្រព្រឹត្តធ្វើឡើង នៅថ្ងៃទី១៧ ខែវិច្ឆិកា ឆ្នាំ២០២២ នាប្រទេសថៃ។ លោក លន់ យ៉េង អគ្គលេខាធិការសហព័ន្ធស្រូវ-អង្ករ កម្ពុជា បានគូសបញ្ជាក់ថា នេះជាលើកទី៥ហើយ ដែលអង្ករកម្ពុជា បានទទួលជ័យលាភីជាអង្ករដែលមានគុណភាពល្អ ហើយនេះ គឺជាមោទនភាពសម្រាប់កម្ពុជា និងជាឱកាសក្នុងការជំរុញការនាំចេញអង្ករកម្ពុជា ទៅកាន់ទីផ្សារអន្តរជាតិ បន្ថែមទៀត។