#ប្រធានាធិបតីរុស្ស៊ី

ប្រធានាធិបតី វ្ល៉ាឌីមៀ ពូទីន បានបញ្ជាឱ្យទាហានស៊ីឈ្នូលWagnerទាំងអស់ ចុះហត្ថលេខាលើពាក្យសច្ចាប្រណិធានស្មោះស្មគ្រចំពោះប្រទេសរុស្ស៊ី និងចូលរួមជាមួយកងទ័ពជាតិ ក្រោយមេបញ្ជាការរបស់ពួកគេគឺលោក Yevgeny Prigozhin ត្រូវបានគេរាយការណ៍ថា បានស្លាប់នៅក្នុងហេតុការណ៍ធ្លាក់យន្តហោះ។ ទោះជាយ៉ាងណា មកទល់នឹងពេលនេះ មិនទាន់មានការប្រកាសជាផ្លូវការណាមួយអំពីមរណភាពរបស់លោក Prigozhin ឡើយ ខណៈវិមានក្រឹមឡាំងថា ការធ្វើកោសល្យវិច័យសាកសពកំពុងបន្ត និងថា ការចោទប្រកាន់ការស្លាប់នោះ ទាក់ទងនឹងប្រធានាធិបតីពូទីន គឺ «ជាការកុហកបោកប្រាស់ទាំងស្រុង»។