#ប្រធានG20ឆ្នាំ២០២២

លោក ចូកូ វីដូដូ ប្រធានាធិបតីឥណ្ឌូនេស៊ី និងជាប្រធានG20នៅឆ្នាំនេះផងនោះ គ្រោងនឹងធ្វើដំណើរទស្សនកិច្ចនៅទីក្រុងមូស្គូនាចុងខែមិថុនានេះ ដើម្បីជួបពិភាក្សាផ្ទាល់ជាមួយប្រធានាធិបតីរុស្ស៊ី លោកវ៉្លាឌីមៀ ពូទីន។ នេះបើតាមទីភ្នាក់ងារសារព័ត៌មានរដ្ឋរបស់ប្រទេសឥណ្ឌូនេស៊ីបានដកស្រង់សម្តីរដ្ឋមន្ត្រីសន្តិសុខរបស់ប្រទេសមួយនេះ។ ទោះយ៉ាងណា គេមិនទាន់ដឹងច្បាស់នៅឡើយថា តើជំនួបទល់មុខរវាងមេដឹកនាំទាំងពីរនេះ នឹងជជែកពីបញ្ហាអ្វីខ្លះនោះទេ។