#អាមេរិក-ចិន

មន្ត្រីនៅក្នុងក្រសួងហិរញ្ញវត្ថុអាមេរិកបានប្រាប់ទីភ្នាក់ងារសារព័ត៌មានរ៉យទ័រឱ្យដឹងកាលពីថ្ងៃអាទិត្យ ទី ២ កក្កដា ថា លោកស្រី ចេណេត យ៉េលេន រដ្ឋមន្ត្រីហិរញ្ញវត្ថុសហរដ្ឋអាមេរិក នឹងទៅបំពេញទស្សនកិច្ចនៅប្រទេសចិនចាប់ពីថ្ងៃទី៦ដល់ថ្ងៃទី៩ខែកក្កដានេះ។ លោកស្រីរំពឹងជួបជាមួយមន្ត្រីជាន់ខ្ពស់ចិនមួយចំនួន។ ពេលនោះ លោកស្រីនឹងអាចលើកឡើងអំពីការព្រួយបារម្ភរបស់អាមេរិកចំពោះបញ្ហាសិទ្ធមនុស្ស និងច្បាប់ប្រឆាំងនឹងទណ្ឌកម្មថ្មីរបស់ប្រទេសចិន ដែលទើបអនុម័តប៉ុន្មានថ្ងៃមុននេះផងដែរ។