#ស្ត្រីជប៉ុន

ប្រទេសជប៉ុន ដែលជាមហាអំណាចសេដ្ឋកិច្ចនៅក្នុងពិភពលោក ហាក់កំពុងប្រឈមកាន់តែខ្លាំងនៅក្នុងការដោះស្រាយបញ្ហាអត្រាកំណើតធ្លាក់ចុះខ្លាំងមិនធ្លាប់មានក្នុងរយៈពេល១៧ឆ្នាំកន្លងមកនេះ។ តួយ៉ាង រដ្ឋាភិបាលជប៉ុនបានប៉ាន់ប្រមាណថា ស្ត្រីជប៉ុនជាង៤០%ដែលកើតក្នុងឆ្នាំ២០០៥ ឬបច្ចុប្បន្នមានវ័យ ១៨ឆ្នាំ អាចនឹងលែងយកកូននៅពេញមួយជីវិតរបស់ពួកគេតែម្ដង ដែលនេះជាអត្រាខ្ពស់បំផុតមួយ ដែលអាចគំរាមកំហែងដល់កម្មវិធីសន្តិសុខសង្គមនាពេលអនាគតរបស់ប្រទេសជប៉ុន ខណៈដែលអត្រាកំណើតនៅក្នុងប្រទេសនេះ បានធ្លាក់ចុះជាង ១%នៅក្នុងឆ្នាំ២០២២។