សហគ្រិនខ្មែរ រៀបចំកម្មវិធីប្រគល់ពានរង្វាន់សហគ្រិនខ្មែរឆ្នាំ២០២១
ព័ត៌មាន
•
នៅថ្ងៃទី២១ ខែធ្នូ ឆ្នាំ២០២១ សហគ្រិនខ្មែរ បានរៀបចំកម្មវិធីប្រគល់ពានរង្វាន់សហគ្រិនខ្មែរ ឆ្នាំ២០២១ ក្នុងគោលបំណងលើកស្ទួយវិស័យសហគ្រិនភាព នៅកម្ពុ…
ការប្រកាសអះអាងបែបនេះ ធ្វើឡើងក្នុងកម្មវិធីប្រកាសដាក់ឲ្យដំណើរការ «ក្របខណ្ឌយុទ្ធសាស្ត្រ និងកម្មវិធីស្តារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយកូវីដ-១៩តាមគន្លងប្រក្រតីភាពថ្មីសម្រាប់ឆ្នាំ២០២១-២០២៣» ដែលជាយន្តការស្តារនិងជំរុញភាពធន់ក្នុងការអភិវឌ្ឍន៍សង្គម សេដ្ឋកិច្ចឲ្យមានភាពរីកចម្រើនប្រកបដោយចីរភាព និងបរិយាបន្ន។
នាពិធីប្រកាសដាក់ឲ្យដំណើរការ «ក្របខណ្ឌយុទ្ធសាស្ត្រ និងកម្មវិធីស្តារ និងជំរុញកំណើនសេដ្ឋកិច្ចកម្ពុជាក្នុងការរស់នៅជាមួយកូវីដ-១៩តាមគន្លងប្រក្រតីភាពថ្មីសម្រាប់ឆ្នាំ២០២១-២០២៣»នៅព្រឹកថ្ងៃទី២២ ធ្នូ ឆ្នាំ២០២១ ឯកឧត្តមអគ្គបណ្ឌិតសភាចារ្យ អូន ព័ន្ធមុនី ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានគូសបញ្ជាក់ថា កម្ពុជានឹងលែងមានការដាក់ចេញវិធានការជួយអាជីវកម្ម និងគ្រួសារក្រីក្រ និងងាយរងគ្រោះដោយសារវិបត្តកូវីដ-១៩ ដែលកម្ពុជាបានដាក់ចេញ១០ជុំកន្លងមកទៀតហើយចាប់ពីឆ្នាំ២០២២ តទៅ។
ទោះបីគ្មានវិធានការនេះក៏ពិតមែន តែមិនមានន័យថា គ្រួសារក្រីក្រ និងងាយរងគ្រោះ និងអាជីកម្មមួយចំនួនដែលរងផលប៉ះពាល់ដោយសារវិបត្តិកូវីដ-១៩ លែងទទួលបានការជួយជ្រោមជ្រែង និងអនុគ្រោះផ្នែកពន្ធពីរាជរដ្ឋាភិបាលកម្ពុជានោះទេ។ ពោលគឺពួកគេនៅតែអាចទទួលបានការជួយពីរាជរដ្ឋាភិបាលដដែលតាមរយៈក្របខណ្ឌយុទ្ធសាស្ត្រ និងកម្មវិធីស្តារ និងជំរុញសេដ្ឋកិច្ចកម្ពុជា ដែលបានដាក់ចេញខាងលើ។
បើតាមថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុ រាជរដ្ឋាភិបាលនឹងបន្តអនុវត្តកម្មវិធីឧបត្ថម្ភសាច់ប្រាក់ដល់គ្រួសារក្រីក្រ និងងាយរងគ្រោះដោយសារកូវីដ-១៩ ចំនួន៩ខែបន្ថែមទៀត ដោយអនុវត្តចាប់ពីខែមករា ដល់ខែកញ្ញា ឆ្នាំ២០២២ ដើម្បីជួយសម្រួលបន្ទុកជីវភាពរស់នៅរបស់គ្រួសារទាំងនោះ។ ទន្ទឹងនឹងនេះ រដ្ឋាភិបាល នឹងបន្តអនុវត្តកម្មវិធីអនុគ្រោះផ្នែកពន្ធដល់អាជីវកម្មក្នុងវិស័យទេសចរណ៍ និងអាកាសចរណ៍បន្ថែមទៀត ដើម្បីត្រៀមស្តារ និងជំរុញកំណើនវិស័យទេសចរណ៍កម្ពុជា។
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានគូសបញ្ជាក់បន្ថែមទៀតថា ដើម្បីជួយស្តារ និងជំរុញកំណើនក្នុងវិស័យសក្តានុពល ដែលជាជន្ទល់ដ៏រឹងមាំសម្រាប់សេដ្ឋកិច្ចកម្ពុជា រាជរដ្ឋាភិបាលបានត្រៀមកញ្ចប់ថវិកាចំនួន២៥០លានដុល្លារអាមេរិក ដើម្បីផ្តល់ឥណទានដល់វិស័យទាំងនោះ ជាមួយអត្រាការប្រាក់ទាបក្នុងកម្រិកប្រកួតប្រជែង។ វិស័យដែលនឹងទទួលបានឥណទានត្រង់ តាមរយៈធនាគារសហគ្រាសធុនតូច និងមធ្យម និងធនាគារអភិវឌ្ឍន៍ជនបទ និងកសិកម្ម រួមមានវិស័យកសិកម្ម ទេសចរណ៍ និងវិស័យសក្តានុពលមួយចំនួនទៀត។
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន រំពឹងថា តាមរយៈសរស្តម្ភ ៣រួមមានការស្តារឡើងវិញ ការកែទម្រង់ និងការកសាងភាពធន់ នៃក្របខណ្ឌយុទ្ធសាស្ត្រ និងកម្មវិធីស្តារ និងជំរុញសេដ្ឋកិច្ចខាងលើ វាមិនត្រឹមតែជួយជំរុញសេដ្ឋកិច្ចកម្ពុជាឲ្យមានកំណើនប្រកបដោយភាពរឹងមាំ ចីរភាព និងបរិយាបន្ននោះទេ តែក៏នឹងជំរុញឲ្យមានការផ្លាស់ប្តូរនិនាបនកម្មសេដ្ឋកិច្ចកម្ពុជាបន្ថែមទៀតផងដែរ។ ជាពិសេសវានឹងជួយបង្កើនពិពិធកម្មសេដ្ឋកិច្ចនិងភាពប្រកួតប្រជែងរបស់កម្ពុជាដើម្បីចាប់យកកាលានុវត្តភាពថ្មីៗដែលកំពុងលេចឡើងក្នុងនិន្នាការតំបន់ និងសកលលោក។
វិបត្តិកូវីដ-១៩ ក្នុងរយៈពេលពីរឆ្នាំកន្លងមកនេះ វាបង្ហាញទាំងភាពផុតស្រួយនៃវិស័យសេដ្ឋកិច្ច និងភាពខ្លាំងរបស់វិស័យមួយចំនួន។ ថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុសង្កេតឃើញថា វិស័យកសិកម្មនៅតែអាចឈរជើងបានយ៉ាងរឹងមាំជាមួយកំណើនគួរឲ្យកត់សម្គាល់ ទោះបីកម្ពុជានិងពិភពលោកស្ថិតក្នុងវិបត្តិកូវីដ-១៩។ កត្តានេះទាមទារឲ្យរាជរដ្ឋាភិបាលត្រូវយកចិត្តទុកដាក់បន្ថែមទៀតក្នុងការជំរុញនិងអភិវឌ្ឍន៍វិស័យ ដែលជាជន្ទល់សម្រាប់សេដ្ឋកិច្ចកម្ពុជាមួយនេះ៕© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
