កម្ពុជាមានអ្នកជំងឺកូវីដ-១៩ ចំនួន ១០នាក់ស្លាប់ និងឆ្លងថ្មី មាន ៥១១នាក់

បើតាម​ក្រសួងសុខាភិបាល មានករណីស្លាប់ជនជាតិខ្មែរចំនួន ១០នាក់នោះ រួមមាន​ស្រ្តីចំនួន ៤នាក់ ដែលមាន​អាយុចន្លោះ៣២ ដល់ ៧១ឆ្នាំ និងបុរសចំនួន​៦នាក់​ មានអាយុចន្លោះពី ២៤ ដល់​៧៧ឆ្នាំ។

ដោយឡែក សម្រាប់​អ្នកឆ្លងកូវីដ-១៩ ករណី​ថ្មី​ចំនួន ៥១១នាក់ ក្នុងនោះ មាននៅភ្នំពេញ ៣១៨នាក់, ព្រះសីហនុ ១២៦នាក់, កណ្ដាល ៤៤នាក់, កំពង់ចាម៥នាក់, បន្ទាយមានជ័យ៤នាក់, កំពង់ឆ្នាំង៤នាក់, កំពង់ធំ២នាក់, ស្វាយរៀង២នាក់, ត្បូងឃ្មុំ២នាក់ និង តាកែវ២នាក់។ ទន្ទឹមនឹងនោះ ក៏មាន​អ្នកជាសះស្បើយ​ថ្មី​ចំនួន ៦២នាក់ផងដែរ។

សរុប​ចំនួន​អ្នកឆ្លង​កូវីដ-១៩ គិតត្រឹម​ថ្ងៃទី ២៤ ខែមេសា ឆ្នាំ២០២១ មាន ៩.៣៥៩នាក់, អ្នកជាសះស្បើយមាន ៣.២១០នាក់, អ្នកកំពុងព្យាបាលមាន ៦,០៧២នាក់ និងអ្នកស្លាប់មាន ៧១ នាក់៕