លោក ហូ វណ្ឌី ទីប្រឹក្សាសមាគមទីភ្នាក់ងារទេសចរណ៍កម្ពុជា និងជាអ្នករកស៊ីនៅក្នុងវិស័យទេសចរណ៍ដែរនោះ លើកឡើងថា ការអនុគ្រោះនេះអាចជួយដល់វិស័យទេសចរណ៍បានខ្លះដែរ។
បើតាមលោក ហូ វណ្ឌី កម្រៃជាប្រាក់ ដែលត្រូវបង់សម្រាប់ការពិន័យអន្តរការណ៍សម្រាប់អាជីវកម្មទេសចរណ៍ អាចមានចន្លោះពី ៥សែនរៀល ទៅ២លានរៀល គឺមានតម្លៃទៅតាមប្រភេទអាជីវកម្មទេសចរណ៍នីមួយៗ។
ឯកឧត្តម តុប សុភ័ក្រ អ្នកនាំពាក្យក្រសួងទេសចរណ៍ បានលើកពន្យល់ថា ការពិន័យអន្តរការណ៍នេះ គឺសំដៅដល់ការពិន័យទៅលើអាជីវកម្មទេសចរណ៍ទាំងឡាយណាដែលមានអាជ្ញាបណ្ណផុតសុពលភាពហើយ ប៉ុន្ដែមិនបានមកស្នើបន្ដអាជ្ញាបណ្ណពីក្រសួងទេសចរណ៍ ហើយជាទូទៅអាជីវកម្មដែលខកខានមិនបានមកធ្វើការស្នើសុំបន្ដអាជ្ញាបណ្ណទាំងនោះ គឺត្រូវរងការពិន័យជាទឹកប្រាក់។ ប៉ុន្ដែ ដោយមើលឃើញពីទុកលំបាករបស់អាជីវកម្មក្នុងវិស័យទេសចរណ៍នាអំឡុងពេលកូវីដ-១៩ នេះ ទើបក្រសួងទេសចរណ៍ បានសម្រេចលើកលែងការផាកពិន័យនេះចាប់ពីទី ១៦ ខែមីនា ដល់ថ្ងៃទី៣១ខែធ្នូ ឆ្នាំ២០២១។
អត្ថបទទាក់ទង!
យ៉ាងណាមិញ វិធានការជុំទី៧ ដែលរាជរដ្ឋាភិបាលបានដាក់ចេញដើម្បីជួយដល់វិស័យដែលរងផលប៉ះពាល់ខ្លាំងដោយសារជំងឺកូវីដ-១៩នោះ ជិតនឹងបញ្ចប់ទៅហើយ ពោលគឺនៅត្រឹមដំណាច់ខែមីនានេះ។ ដូច្នេះ អ្នកជំនាញទេសចរណ៍សង្ឃឹមថា វិធានការបន្តបន្ទាប់ទៀត នឹងចេញក្នុងពេលឆាប់ៗនេះ ព្រោះអាជីវកម្មទេសចរណ៍បាននិងកំពុងរងគ្រោះធ្ងន់ធ្ងរមែនទែន នៅអំឡុងពេលនេះ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
