ការសាងសង់ផ្លូវដែកដើម្បីតភ្ជាប់រដ្ឋធានីវៀងចន្ទន៍របស់ប្រទេសឡាវជាមួយកំពង់ផែ វុងអាង (Vung Ang) នៅភាគកណ្តាលនៃប្រទេសវៀតណាមអាចនឹងចាប់ផ្តើមក្នុងខែវិច្ឆិកាចុងឆ្នាំនេះ។ នេះបើយោងតាមកាសែតឡាវ The Vientiane Times។
គម្រោងការសាងសង់នេះផ្លូវដែកនេះ គឺជាកិច្ចខិតខំប្រឹងប្រែង ចុងក្រោយរបស់រដ្ឋាភិបាលឡាវក្នុង ការប្រែ ក្លាយរដ្ឋ ធានី វៀង ច័ន្ទន៍ឱ្យទៅជាមជ្ឈមណ្ឌលដឹកជញ្ជូនភស្តុភារ តាមរយៈការបង្កើតដំណភ្ជាប់ផ្លូវដែកជាមួយប្រទេសចិន វៀតណាម និងប្រទេសថៃ។
ក្រោយពីការសិក្សាពីលទ្ធភាពនៃគម្រោងសាងសង់នេះបានបិទបញ្ចប់កាលពីពាក់កណ្តាលខែមីនា លោក ចាន់ថន ស៊ីធីសាយ (Chanthone Sitthixay) ប្រធានក្រុមហ៊ុន Petroleum Trading Lao Public Co. (PetroTrade) បានប្រាប់លោក សាយសំផុន ភុមវិហាន (Xaysomphone Phomvihane) ប្រធានរដ្ឋសភាឡាវកាលពីពេលថ្មីៗនេះថា «ពិធីបើកការដ្ឋានសាងសង់ផ្លូវដែកនេះនឹងចាប់ផ្ដើមធ្វើនៅខែវិច្ឆិកាឆ្នាំនេះ។
អត្ថបទគួរអាន
កាលពីខែធ្នូឆ្នាំមុនសួនភស្តុភារកម្មក្រុងវៀងច័ន្ទន៍បានបើកដំណើរការ ពោលគឺនៅរយៈពេល១ថ្ងៃបន្ទាប់ពីផ្លូវរថភ្លើងល្បឿនលឿនធ្វើដំណើរពីចិនទៅឡាវដែលជាប្រភេទផ្លូវរថភ្លើងលឿនដំបូងគេនៅតំបន់អាស៊ីអាគ្នេយ៍បានបិទបញ្ចប់ការសាងសង់ និងបើកដំណើរការ ហើយគម្រោងផ្លូវដែកនេះ គឺជាផ្នែកមួយនៃគំនិតផ្តួចផ្តើមខ្សែក្រវាត់និងផ្លូវរបស់ចិន។
មជ្ឈមណ្ឌលភស្តុភារកម្មនេះត្រូវបានបង្កើតឡើងក្រោមគម្រោងរួមគ្នាមួយដែលបានចាប់ផ្តើមដំណើរការនៅក្នុងឆ្នាំ២០២០ រវាងរដ្ឋាភិបាលឡាវនិងក្រុមហ៊ុនបុត្រសម្ព័ន្ធមួយនៃក្រុមហ៊ុនមេ PetroTrade។
មជ្ឈមណ្ឌលនេះគ្រោងនឹងសាង់សង់នៅលើផ្ទៃដីទំហំជិត៤លានម៉ែត្រការ៉េ ដោយគ្រោងនឹងចំណាយទុនសម្រាប់សាងសង់ចំនួន ៧២៧ លានដុល្លារអាមេរិករួមទាំងការសាងសង់កំពង់ផែស្ងួត ថាណាឡេង (Thanaleng) និងកន្លែងផ្សេងៗទៀតនៅក្នុងនោះផងដែរ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
