អត្ថបទទាក់ទង
បើយោងតាមអ្នកជំនាញរបស់ក្រសួងសុខាភិបាលកម្ពុជា ក្រដាសលុយក៏ជាភ្នាក់ងារចម្លងមេរោគកូវីដ-១៩ដែរ នៅពេលដែលលុយនោះបានប្រឡាក់នូវទឹករំអិលពីផ្លូវដង្ហើមរបស់អ្នកដែលមានផ្ទុកមេរោគ កូវីដ-១៩ ហើយក្រដាសលុយនោះត្រូវបានប៉ះពាល់បន្តៗគ្នាពីមនុស្សម្នាក់ទៅមនុស្សម្នាក់ទៀត ដូច្នេះ សូមអតិថិជនងាកមកប្រើប្រាស់មធ្យោបាយទូទាត់ប្រាក់តាមអេស៊ីលីដាម៉ូបាលវិញ ដែលអាចការពារបានពីការឆ្លងមេរោគនេះជាយថាហេតុ ។
អេស៊ីលីដាម៉ូបាល មានមុខងារសំបូរបែប ជាពិសេស មានមុខងារមួយដែលមានឈ្មោះថា My QR Code ដែលមុខងារនេះគឺបង្កើតឡើងដោយស្វ័យប្រវត្តិនៅពេលអតិថិជនចុះឈ្មោះប្រើប្រាស់ ហើយងាយមែនទែន គឺអតិថិជនអាចផ្ញើ QR នេះទៅឲ្យបងប្អូន មិត្តភ័ក្ត្រ ឬដៃគូសម្រាប់ស្កេនទូទាត់បានភ្លាមៗ ។
លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារ នៃធនាគារ អេស៊ីលីដា បានមានប្រសាសន៍ឲ្យដឹងថា ធនាគារ អេស៊ីលីដា មានដៃគូជាហាងលក់ទំនិញជាង ៧ម៉ឺនកន្លែង ដែលអ្នកទិញអាចទិញទំនិញពីហាងទំនិញនានា ដោយពុំចាំបាច់កាន់ក្រដាសប្រាក់ សម្រាប់ធ្វើការទូទាត់ថ្លៃទំនិញនោះទេ គ្រាន់តែស្កេនជាមួយ QR Code អេស៊ីលីដា ក៏ទទួលបានការបញ្ចុះតម្លៃពីហាងទាំងនោះ ។
បើចំពោះហាងដទៃទៀតដែលមិនទាន់មាន QR Code សម្រាប់ធ្វើការទូទាត់ ម្ចាស់ហាងទំនិញគ្រាន់តែទាញយកកម្មវិធីអេស៊ីលីដាម៉ូបាល មកដាក់ក្នុងទូរសព្ទដៃ ហើយចុះឈ្មោះប្រើប្រាស់ភ្លាមៗ ម្ចាស់ហាងទំនិញទាំងនោះនឹងមាន QR Code សម្រាប់អតិថិជនស្កេនទូទាត់ថ្លៃទំនិញបានដូចគ្នា (នៅពេលអ្នកទិញមាន អេស៊ីលីដាម៉ូបាល) អ្នកលក់គ្រាន់តែបើក My QR Code ឲ្យអ្នកទិញស្កេន ទូទាត់ជាការស្រេច ។
នៅពេលអ្នកទិញស្កេនហើយ អ្នកលក់នឹងទទួលបានសារលោតបញ្ជាក់ជាដំណឹង នៅក្នុងទូរសព្ទដៃរបស់គាត់ Notification ថា ទទួលបានលុយទូទាត់ថ្លៃទំនិញហើយ ។ មិនតែប៉ុណ្ណោះ គាត់ (អ្នកលក់) ក៏អាចឆែកមើលប្រតិបត្តិការ ឆែកមើលសមតុល្យគណនីផ្សេងៗ ពី អេស៊ីលីដាម៉ូបាល បានផងដែរ វាមិនត្រឹមតែងាយស្រួលក្នុងការទូទាត់ប៉ុណ្ណឹងទេ អេស៊ីលីដាម៉ូបាល ប្រៀបបានដូចជាធនាគារក្នុងដៃ ក្នុងផ្ទះអ៊ីចឹង សម្រាប់ធ្វើប្រតិបត្តិការតែមួយកន្លែងមិនបាច់ចេញក្រៅផ្ទះ ដូចជា ដាក់ប្រាក់ ដកប្រាក់ បើកប្រាក់បៀវត្ស ដកប្រាក់រហ័ស បើកប្រាក់ផ្ទេរតាមអេស៊ីលីដាម៉ូបាល បើកគណនីធនាគារ ស្នើសុំប័ណ្ណអេធីអឹមបានភ្លាមៗ បង់វិក្កយបត្រអគ្គិសនីកម្ពុជា បញ្ចូលលុយទូរសព្ទ ផ្ទេរប្រាក់ទៅប័ណ្ណវីសា និងម៉ាស្ទ័ររបស់ធនាគាផ្សេងក្នុងស្រុកបានរហូតដល់ $២,៥០០ ក្នុង១ថ្ងៃនិងសេវាកម្មជាច្រើនទៀត ។
នៅផ្ទះឈ្នះកូវីដ រក្សាសុវត្ថិភាព ៣កុំ ៣ការពារ ដែលជាវិធានការរបស់រដ្ឋាភិបាល នោះយើងទាំងអស់គ្នានឹងឈ្នះកូវីដ-១៩ ដ៏ចង្រៃនេះ ៕
