ក្នុងវ័យ ៧៥ឆ្នាំលោក ថងលួន ស៊ីសូលីត ជាបុគ្គលមួយរូបមានប្រជាប្រិយភាពក្នុងចំណោមមហាជន ដោយសារតែភាពស្អាតស្អំមិនដែលពុករលួយរបស់លោកកន្លងមក ក្នុងដំណែងជារដ្ឋមន្ត្រីការបរទេសឡាវពីឆ្នាំ ២០០៦ រហូតដល់ឆ្នាំ២០១៦ ទើបលោកបានឡើងធ្វើជានាយករដ្ឋមន្ត្រី។
ក្នុងនាមជា ប្រធានាធិបតីថ្មី លោកថងលួន ស៊ីសូលីត នឹងចូលខ្លួនមកដោះស្រាយវិបត្តិសេដ្ឋកិច្ច របស់ឡាវដែលរងគ្រោះខ្លាំងដោយសាររោគរាតត្បាតកូវីដ១៩។ មិនខុសពីប្រទេសនានាក្នុងតំបន់ទេ វិស័យដែលរងគ្រោះខ្លាំងនៅក្នុងប្រទេសឡាវ រួមមាន សេវាកម្មទេសចរណ៍ អាកាសចរណ៍ ពាណិជ្ជកម្ម លក់ដុំនិងលក់រាយ និងឧស្សាហកម្ម ជាដើម។ ទោះយ៉ាងណា ធនាគារពិភពលោក Worldbank បាយធ្វើការបាន់ព្យាករថាសេដ្ឋកិច្ចរបស់ឡាវថា អាចនឹងមានកំណើន ៤,៩% ក្នុងឆ្នាំ២០២១នេះ បន្ទាប់ពីបានធ្លាលក់ចុះ-២%នៅឆ្នាំ២០២០។
អត្ថបទគួរអាន
ក្រៅតែពីដោះស្រាយបញ្ហាសេដ្ឋកិច្ច ដែលរងគ្រោះដោយសារកូវីដ១៩ ប្រធានាធិបតីថ្មី ក៏នឹងត្រូវរ៉ាប់រងបំណុលដែលឡាវបានជំពាក់ប្រទេសចិនក្នុងទំហំទឹកប្រាក់ស្មើនឹងប្រមាណ ៤៥%នៃ GDP ខណៈដែលកម្រិតបំណុលសាធារណៈសរុបរបស់ប្រទេសនេះ មានដល់ទៅជាង៦០% នៃ GDP នៅឆ្នាំ២០២០។ កត្តានេះ ក៏ជាហេតុនាំឲ្យឡាវមានអ្នកវិនិយោគចិនច្រើនជាងគេ នៅក្នុងប្រទេសធៀបនឹងវិនិយោគគិនមកពីប្រទេសផ្សេងទៀត។ នេះបើតាមរបាយការណ៍ពីវិទ្យាស្ថានសេដ្ឋកិច្ច Lowy របស់ប្រទេសអូស្ត្រាលី។
គិតត្រឹមឆ្នាំ ២០២០ គម្រោងវិនិយោគចិននៅឡាវមានចំនួន ៧៨៥គម្រោង ដែលមានតម្លៃ ១២ ពាន់លានដុល្លារអាមេរិក៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
