ពន្ធដារបង្កកគណនីធនាគារអង្គការរបស់លោក Bernard Krisher
ព័ត៌មាន
•
អគ្គនាយកដ្ឋានពន្ធដារបានបង្កកគណនីធនាគារអង្គការចំនួនពីរដែលមានឈ្មោះថា Japan Relief for Cambodia និង World Assistance for …
អគារមជ្ឈមណ្ឌលពាណិជ្ជកម្មពិភពលោក នៅក្នុងទីក្រុងញូវយ៉ក ត្រូវបានភេរវករបញ្ជាយន្តហោះបើកបំបុក បំផ្លាញអគារនេះទាំងស្រុង និងជីវិតមនុស្សរាប់ពាន់នាក់។
ជាការរំឭកនូវព្រឹត្តិការណ៍ដ៏អមនុស្សធម៌នេះ លោក ហ៊ុន ម៉ានី តំណាងរាស្ត្រកម្ពុជា និងជាកូនប្រុសរបស់នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានបង្ហោះសារដែលបង្កប់អត្ថន័យគួរឲ្យចាប់អារម្មណ៍នៅលើហ្វេសប៊ុក។
លោក ហ៊ុន ម៉ានី បានសរសេរយ៉ាងដូច្នេះថា «កម្ពុជា ក៏ដូចជាពិភពលោកទាំងមូល បានងើបឈររួមគ្នាជាមួយសហរដ្ឋអាមេរិក និងប្រជាជនអាមេរិក ក្នុងអំឡុងពេលដ៏គួរឲ្យតក់ស្លុតនេះ»។
ក្នុងសារដដែល លោក ហ៊ុន ម៉ានី បានបន្តថា «យើងឈរជាមួយអាមេរិក ដើម្បីបង្ហាញសាមគ្គីភាពក្នុងគ្រាលំបាក ដើម្បីផ្ដល់ការគាំទ្រនិងការរំលែកទុក្ខដោយស្មោះ ចំពោះការបាត់បង់អាយុជីវិតប្រជាជនអាមេរិក»។ «ហើយ យើងឈរជាមួយអាមេរិក ដើម្បីថ្កោលទោសចំពោះការវាយប្រហារ ដែលបានរៀបគម្រោងនិងអនុវត្តដោយបរទេស ដែលគេស្គាល់ថាជាក្រុមភេរវជន...»។
ពាក្យមួយឃ្លាដែលបង្កប់ន័យគួរឲ្យចាប់អារម្មណ៍នៅក្នុងសារលើហ្វេសប៊ុករបស់លោក ហ៊ុន ម៉ានី ត្រង់លោកនិយាយថា «ដូចគ្នានឹងសហរដ្ឋអាមេរិកដែរ ប្រទេសកម្ពុជានឹងខិតខំឲ្យអស់ពីសមត្ថភាព ដើម្បីការពារសន្តិសុខជាតិ និងការពារ ទោះក្នុងតម្លៃណាក៏ដោយ នូវសុខសុវត្ថិភាពជូនប្រជាជនកម្ពុជា ពីការគំរាមកំហែងណាមួយក៏ដោយ»។
រូបភាពនៃព្រឹត្តិការណ៍វាយប្រហារលើអាមេរិក ថ្ងៃទី១១ កញ្ញា។
(wikipedia.com)
គួររំឭកថា ការវាយប្រហារដោយភេរវកម្ម ថ្ងៃ១១ កញ្ញា គឺរៀបចំឡើងនិងអនុវត្តដោយក្រុមភេរវកម្មអ៊ិស្លាម អាល់ កៃដា។ យន្តហោះដឹកអ្នកដំណើរ ៤គ្រឿង ត្រូវបានពួកភេរវករបញ្ជាឲ្យបើកបុកអគារមជ្ឈមណ្ឌលពាណិជ្ជកម្មពិភពលោក ក្នុងទីក្រុងញូវយ៉ក និងទីកន្លែងផ្សេងទៀត ដោយបានបំផ្លាញអគារនោះ សម្លាប់ជីវិតមនុស្សជិត ៣ពាន់នាក់ និងធ្វើឲ្យរងរបួសជាង ៦ពាន់នាក់ ព្រមទាំងបំផ្លាញទ្រព្យសម្បត្តិគិតជាទឹកប្រាក់ យ៉ាងហោច ១០ពាន់លានដុល្លារ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
