រដ្ឋាភិបាលថៃគ្រោងបើកព្រំដែនជាមួយ កម្ពុជា ភូមា ឡាវ ឡើងវិញ ដើម្បីទទួលពលករ
ព័ត៌មាន
•
មន្ត្រីរដ្ឋាភិបាលថៃបាននិយាយថា ប្រទេសថៃគ្រោងនឹងបើកព្រំដែនប្រទេសរបស់ខ្លួនឡើងវិញ សម្រាប់ទទួលកម្មករបរទេស ដែលមកពីប្រទេសជិតខាង ដូចជា មីយ៉ាន់ម…
របាយការណ៍ពីក្រុមហ៊ុន Alphabet និង ក្រុមហ៊ុនធំៗចំនួន ២ ទៀតជាដៃគូ បាននិយាយថា ចាប់តាំងពីមានការឆ្លងរាលដាលនៃជំងឺកូវីដ-១៩មក តំបន់អាស៊ីអាគ្នេយ៍មានអ្នកប្រើប្រាស់អ៊ីនធឺណិតថ្មីកើនឡើងបន្ថែមចំនួន ៦០ លាននាក់ទៀត ដែលនាំឱ្យចំនួនអ្នកប្រើប្រាស់សរុបកើនឡើងដល់ ៤៤០ លាននាក់ហើយគិតមកទល់ពេលនេះ។ ក្នុងនោះ មាន ១១ ប្រទេស គឺជាទីផ្សារអ៊ីនធឺណេតដែលរីកលូតលាស់លឿនបំផុតមួយរបស់ពិភពលោក ដោយសារតែទីក្រុងនៃប្រទេសទាំងនោះ មានភាពរីកចម្រើន មានចំនួនប្រជាជនវ័យក្មេងប្រើប្រាស់ស្មាតហ្វូន និងមានពលរដ្ឋចំណូលមធ្យមកាន់តែច្រើន។
សូមជម្រាបថា ទីផ្សារឧស្សាហកម្មអនឡាញនៅអាស៊ីអាគ្នេយ៍ត្រូវបានគេរំពឹងថា នឹងកើនឡើងពី ១៧៤ ពាន់លានដុល្លារ ត្រឹមចុងឆ្នាំ ២០២១ និងបន្ដកើនដល់ ៣៦០ ពាន់លានដុល្លារនៅឆ្នាំ ២០២៥ និង ១ ទ្រីលានដុល្លារនៅឆ្នាំ ២០៣០។
ទន្ទឹមនេះ របាយការណ៍ដែលគ្របដណ្តប់លើ ប្រទេសឥណ្ឌូនេស៊ី ថៃ វៀតណាម សិង្ហបុរី ម៉ាឡេស៊ី និង ហ្វីលីពីន បានរកឃើញថា ទីផ្សារពាណិជ្ជកម្មអេឡិចត្រូនិក ត្រូវបានគេរំពឹងថា នឹងកើនឡើងជិតទ្វេដងរហូតដល់ ១២០ ពាន់លានដុល្លារនៅចុងឆ្នាំ២០២១ និង ឈានដល់ ២៣៤ ពាន់លានដុល្លារនៅឆ្នាំ ២០២៥ ។ គួរជម្រាបថា ប្រទេសឥណ្ឌូនេស៊ី ជាប្រទេសដែលមានប្រជាជនច្រើនជាងគេក្នុងតំបន់នេះ ហើយក្នុងនោះ ឥណ្ឌូនេស៊ីតែម្នាក់ឯងបានរួមចំណែក ៤០% នៃទីផ្សារអនឡាញសរុបនៃតំបន់អាស៊ីអាគ្នេយ៍ ក្នុងទំហំទឹកប្រាក់ចំនួន ៧០ ពាន់លានដុល្លារ៕
អត្ថបទ៖ ស៊ើង និមល់
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
