ជប៉ុន និងបារាំង ឈានដល់ការចុះកិច្ចព្រមព្រៀងភាពជាដៃគូនុយក្លេអ៊ែរ
ព័ត៌មាន
•
ក្រសួងថាមពលបារាំងបានឱ្យដឹងនៅថ្ងៃពុធថា ប្រទេសបារាំង និងប្រទេសជប៉ុន បានព្រមព្រៀងគ្នានៅឯទីក្រុងប៉ារីស ក្នុងការធ្វើសហប្រតិបត្តិការក្នុងវិស័យនុ…
ប្រទេសអ៊ុយក្រែន និងសហភាពអឺរ៉ុប បានឈានដល់កិច្ចព្រមព្រៀងស្តីពីការបន្ត«របបសេដ្ឋកិច្ចគ្មានទិដ្ឋាការ»សម្រាប់រយៈពេលមួយឆ្នាំទៀត។ លោកនាយករដ្ឋមន្ត្រីអ៊ុយក្រែន ដិន្នីស ស្មីហាល់ បានសរសេរនៅក្នុងសារតាមបណ្ដាញសង្គម តេឡេក្រាម ថា ក្រុមហ៊ុនអ៊ុយក្រែននឹងអាចបន្តលក់ទំនិញរបស់ពួកគេឱ្យសហភាពអឺរ៉ុបដោយគ្មានកូតា ពន្ធគយ ឬការកំណត់តម្លៃ។
លោក ស្មីហាល់ បាននិយាយថា ការបន្តច្បាប់ពាណិជ្ជកម្មបែបអនុគ្រោះនេះនឹងរួមចំណែកដល់ការរស់ឡើងវិញនៃសេដ្ឋកិច្ចអ៊ុយក្រែន។
លោកនាយករដ្ឋមន្ត្រីបានកត់សម្គាល់ថា លទ្ធភាពលក់ផលិតផលកសិកម្មរបស់អ៊ុយក្រែននៅក្នុងទីផ្សារអឺរ៉ុបត្រូវបានស្ដារឡើងវិញមួយផ្នែកបន្ទាប់ពីមានបម្រាមដោយប្រទេសជិតខាងចំនួន ៥។
កាលពីខែមុន ប្រទេសប៉ូឡូញ ហុងគ្រី ស្លូវ៉ាគី ប៊ុលហ្គារី និងរូម៉ានី បានដាក់កំហិតជាឯកតោភាគី លើការនាំចូលទំនិញកសិកម្មពីអ៊ុយក្រែន
លោក ស្មីហាល់ បាននិយាយថា គណៈកម្មការអឺរ៉ុបបានបង្កើតយន្តការសម្រុះសម្រួលមួយ ដែលដាក់កំហិតជាបណ្ដោះអាសន្នលើអ៊ុយក្រែនដោយមិនឱ្យប្រទេសនេះនាំចេញផលិតផលកសិកម្មចំនួនបួនប្រភេទទៅកាន់ប្រទេសជិតខាង។ ប៉ុន្តែលោកមិនបានបញ្ជាក់ថាជាផលិតផលអ្វីជាក់លាក់ទេ។
របបពាណិជ្ជកម្មបែបអនុគ្រោះរវាងអ៊ុយក្រែននិងសហភាពអឺរ៉ុប ដែលលុបចោលពន្ធគយ និងកូតា ចំពោះទំនិញឧស្សាហកម្ម និងម្ហូបអាហាររបស់អ៊ុយក្រែន បានចូលជាធរមាននៅខែមិថុនា ឆ្នាំ ២០២២៕
