ផ្ទុះ​កូវីដ​-១៩​ក្នុង​សហគមន៍​ជា​លើក​ទី៣ ខណៈ​ព្រឹក​​នេះមាន​ករណី​ឆ្លង​ដល់​ទៅ ៣២នាក់

ជាមួយគ្នានេះ សម្តេចតេជោ ហ៊ុន សែន បានគូសបញ្ជាក់បន្ថែមថា កន្លែងមួយចំនួន​នៅក្នុងរាជធានី​ភ្នំពេញដូចជា អគារ ក្លឹបកំសាន្ត និងអាផាតមិនមួយចំនួន ក្នុងតំបន់ ត្រូវបិទជាបណ្តោះអាសន្ន។ ក្នុងនោះផងដែរ សម្តេចតេជោ​បាន សង្កត់ធ្ងន់លើ ក្លឹបកំសាន្ត​មួយកន្លែងឈ្មោះ N8 ដែលទំនងជាកន្លែងដែលផ្តើមរីករាលដាលនៃកូវីដ១៩លើកនេះ។

ដោយហេតុថាករណីវិជ្ជមានទាំង៣២ករណីនេះ ត្រូវបានរកឃើញនៅលើជនជាតិចិនទាំងអស់  ដូចនេះ សម្តេចតេជោ ហ៊ុន សែនបានអំពាវនាវឲ្យពលរដ្ឋ កុំមានការរើសអើងទៅលើជនជាតិចិន។