៤ថ្ងៃ មានអ្នកឆ្លងកូវីដ-១៩ ចំនួន៩៩ នាក់ហើយ ក្នុងព្រឹត្តិការណ៍សហគមន៍២០កុម្ភៈ

បើយោងតាម​របាយការណ៍​ ចំនួន​អ្នកឆ្លង​កូវីដ-១៩ សរុប​គិតត្រឹម​ថ្ងៃទី ២៣ ខែកុម្ភៈ មាន​៥៩៣នាក់ ក្នុងនោះ​អ្នកជាសះស្បើយ​៤៧៥នាក់។

នៅព្រឹក​ថ្ងៃទី ២៣ ខែកុម្ភៈនេះដែរ ក្រសួង​វប្បមធ៌​ក៏បាន​ជូនដំណឹង​បិទដំណើរការ​ជាបណ្ដោះអាសន្ន​រយៈពេល ២សប្ដាហ៍ចំពោះរោងភាពយន្ដសម្ដែង​សិល្បៈ និងសារមន្ទីរ​ក្នុងរាជធានី​ភ្នំពេញ និងខេត្តកណ្ដាល។ រីឯក្រសួងអប់រំ នាថ្ងៃទី​២២ ខែកុម្ភៈ ក៏បានជូនដំណឹង​ពីការ​បិទសាលារៀនរដ្ឋ និងឯកជន​ រួមទាំងគ្រឹះស្ថាន​បណ្ដុះបណ្ដាល​វិជ្ជាជីវៈ​ដែលមានទីតាំង​រាជធានីភ្នំពេញ និងខេត្ត​កណ្ដាល​ផងដែរ។

ជាមួយគ្នានោះ សម្តេច តេជោ ហ៊ុន សែន ក៏បាន​បញ្ជា​ឲ្យមាន​ការបណ្ដេញចេញ​នូវជនបរទេស​ទាំងឡាយណា ដែលគេចវេះ និងមិនព្រមសហការ​ធ្វើចត្តាឡីស័ក ចេញពីកម្ពុជា​និងហាម​ប្រាម​ជននោះមិនឲ្យត្រឡប់មកកម្ពុជា​វិញនោះទេ។