
សមិទ្ធផលដ៏ល្អឥតខ្ចោះនេះ បញ្ជាក់ថាធនាគារ អេស៊ីលីដា មានសុចរិតភាព និងទំនួលខុសត្រូវខ្ពស់បំផុត អនុវត្តបាន ១០០% តាមស្ដង់ដារសកលស្តីពីការគ្រប់គ្រង និងការពារសុវត្ថិភាពអតិថិជនជាចម្បង ដែលរួមបញ្ចូលគោលការណ៍សំខាន់ៗ ៨ចំណុចដូចខាងក្រោម៖
-ការអភិវឌ្ឍផលិតផលស្របតាមតម្រូវការប្រើប្រាស់
-ការទប់ស្កាត់បំណុលមិនឲ្យលើសពីសមត្ថភាព
-តម្លាភាព
-ថ្លៃសេវាសមរម្យ និងមានទំនួលខុសត្រូវខ្ពស់
-យុត្តិធម៌ និងផ្តល់តម្លៃខ្ពស់ចំពោះអតិថិជន
-ការការពារបានល្អនូវឯកជនភាពទិន្នន័យអតិថិជន
-យន្តការប្រសិទ្ធភាពក្នុងការដោះស្រាយបញ្ហា និងបណ្តឹងអតិថិជន
-អភិបាលកិច្ចល្អ និងគុណភាពនៃធនធានមនុស្ស

បន្ថែមពីនេះ ធនាគារ អេស៊ីលីដា ក៏បានទទួលនូវវិញ្ញាបនបត្រស្តង់ដារសុវត្ថិភាពអន្តរជាតិ រួមមាន PCI-DSS, ISO/IEC 27001:2022 និង ISO/IEC 27701:2019 ដើម្បីធានាថា អតិថិជនទទួលបានការពារ និងសុវត្ថិភាពខ្ពស់បំផុត ក្នុងផ្នែក សុវត្ថិភាពទិន្នន័យ សន្តិសុខបណ្តាញប្រព័ន្ធអ៊ីនធើណែត និងការការពារឯកជនភាព។
សមិទ្ធផលដ៏មានសារសំខាន់នេះ បង្ហាញពីបេសកកម្មរបស់យើងក្នុងការលើកស្ទួយនូវទំនុកចិត្ត តម្លាភាព និងសុខុមាលភាពអតិថិជន តាមរយៈការផ្តល់សេវាហិរញ្ញវត្ថុប្រកបដោយទំនួលខុសត្រូវខ្ពស់។
MFR (MicroFinanza Rating) គឺជាភ្នាក់ងារវាយតម្លៃសកល ដែលផ្តល់ការវាយតម្លៃ ទិន្នន័យ និងជំនាញបច្ចេកទេស សម្រាប់ឧស្សាហកម្មហិរញ្ញវត្ថុប្រកបដោយនិរន្តរភាព។
