ជាមួយនឹងអេស៊ីលីដាម៉ូបាល មិនចាំបាច់ទៅធនាគារក៏អាចប្រើសេវាធនាគារបានយ៉ាងងាយស្រួល និងសុវត្ថិភាពខ្ពស់

អ្វីដែលពិសេសជាងនេះ ជាមួយនឹងការដោនឡូត app អេស៊ីលីដាម៉ូបាល ដើម្បីចុះឈ្មោះប្រើប្រាស់ លោកអ្នក​មិនចាំបាច់​ទៅធនាគារ​ដោយផ្ទាល់ ក៏អាចប្រើប្រាស់​សេវាធនាគារបាន​យ៉ាងងាយស្រួល និងសម្បូរបែប។

លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារនៃធនាគារអេស៊ីលីដាបានមានប្រសាសន៍ថា ស្ថិតក្នុងស្ថានភាពកូវីដ១៩ កំពុងរាតត្បាតយ៉ាងធ្ងន់ធ្ងរនៅក្នុងសហគមន៍ ការមិនចេញពីផ្ទះនិងគោរពតាមសារាចរណែនាំរបស់ប្រមុខរាជរដ្ឋាភិបាល គឺជាជម្រើសដ៏ល្អដើម្បីការពារសុវត្ថិភាពនិងក្រុមគ្រួសារ។

លោកស្រីបានបញ្ជាក់ថា«មិនចាំបាច់ទៅធនាគារ មិនចាំបាច់ចេញពីផ្ទះក៏អាចប្រើប្រាស់សេវាធនាគារបានដែរ ដោយសារធនាគារ អេស៊ីលីដា មានមធ្យោបាយងាយៗអាចជួយឲ្យអតិថិជនប្រើប្រាស់សេវាកម្មធនាគារ អេស៊ីលីដា ភីអិលស៊ី បានដោយមិនចាំបាច់ចាកចេញពីលំនៅឋាន ឬទៅកាន់ធនាគារ អតិថិជនអាចទាញយកកម្មវិធីអេស៊ីលីដាម៉ូបាលអេប តាមរយៈ  app Store, Google Paly ឬ AppGallery មកដាក់ក្នុងទូរស័ព្ទដៃសម្រាប់ធ្វើប្រតិបត្តិការហិរញ្ញវត្ថុ បានគ្រប់ពេលវេលា សមតាមបំណងប្រាថ្នា»។

លោកស្រីបានបន្តទៀតថាអេស៊ីលីដាម៉ូបាលអាចប្រើប្រាស់បានគ្រប់បែបយ៉ាងនិងងាយស្រួលជាទីបំផុតដូចជា ៖ ផ្ទេរប្រាក់ ទទួលប្រាក់ បង់ថ្លៃទឹកភ្លើង បញ្ជូលទឹកប្រាក់ក្នុងទូរស័ព្ទដៃ ទូទាត់ថ្លៃទំនិញតាមរយៈស្កេនឃ្យូអរកូដ ។ល។ ជាងនេះទៀតការប្រើអេស៊ីលីដាម៉ូបាលនឹងទទួលបានការបញ្ចុះតម្លៃពីហាងទំនិញដែលជាដៃគូធនាគារ អេស៊ីលីដា និងប្រើកាន់តែច្រើន ទទួលបានលុយត្រឡប់មកវិញរហូតដល់ ៥០ដុល្លារ ទៀតផង។

ចំពោះព័ត៌មានផ្សេងៗសូមលោកអ្នកទាក់ទងមកការិយាល័យទំនាក់ទំនងអតិថិជន (បម្រើ២៤) តាមរយៈទូរស័ព្ទលេខ ០១៥ ៩៩៩ ២៣៣ ឬ ០២៣ ៩៩៤៤៤៤ ៕