ធនាគារ ប្រ៊ីដកម្ពុជា ឧបត្ថម្ភថវិកា និងគ្រឿងឧបភោគបរិភោគដល់កុមារកំព្រា

ការប្រគល់អំណោយនោះបានធ្វើឡើងដោយមានការចូលរួមពីលោក អាត សុវណ្ណារា និងភរិយា ដែលជាតំណាងឲ្យធនាគារ ប្រ៊ីដ កម្ពុជា។

លោក អាត សុវណ្ណារា បានថ្លែងថា៖ “ក្នុងនាមជាក្រុមហ៊ុនដែលមានការទទួលខុសត្រូវ យើងតែងតែគិតគូដល់សហគមន៍របស់យើង ហើយយើងតែងរិះរកមធ្យោបាយផ្សេងៗដើម្បីធ្វើយ៉ាងណា អាចរួមចំណែកដល់សង្គមជាតិរបស់យើង ជាពិសេស លើការអភិវឌ្ឍន៍កុមារ រាប់បញ្ចូលទាំងកុមារកំព្រាផង ដែលពួកគាត់ត្រូវការជាចាំបាច់នូវការឧបត្ថម្ភផ្សេងៗ ដើម្បីមានឱកាសក្នុងការអភិវឌ្ឍខ្លួនឲ្យក្លាយជាពលរដ្ឋល្អ ក្នុងការជួយដល់សង្គមជាតិ” ។

នាយិកាប្រតិបត្តិអង្គការ ការអភិវឌ្ឍន៍កុមារកម្ពុជា លោកស្រី ឈូក សីហា បានថ្លែងអំណរគុណដល់ធនាគារប្រ៊ីដកម្ពុជា សម្រាប់ការផ្ដល់អំណោយដ៏ចាំបាច់សម្រាប់កុមារកំព្រា ដែលកំពុងទទួលការចិញ្ចឹម និងបណ្ដុះបណ្ដាលនៅអង្គការមួយនេះ។

លោកស្រី ឈូក សីហា បានថ្លែងថា៖ “ការឧបត្ថម្ភសម្ភារៈទាំងអស់នេះ គឺជាគុណបំណាច់ដ៏ធំធេងបំផុតរបស់លោក លោកស្រី សម្រាប់ជួយដល់កុមារកំព្រាដែលកំពុងស្នាក់នៅក្នុងមជ្ឈមណ្ឌលរបស់អង្គការយើងខ្ញុំ” ។