ចិនប្រាប់ពលរដ្ឋខ្លួនដែលរស់នៅអាមេរិកឱ្យយកចិត្តទុកដាក់លើបញ្ហាសន្តិសុខ ក្រោយមានករណីរើសអើងកំពុងកើតឡើងកាន់តែច្រើន

យ៉ាងណាមិញ ស្របពេលជាមួយគ្នានេះ ប្រទេសចិនក៏ព្រួយបារម្ភអំពីសុវត្ថិភាពពលរដ្ឋរបស់ខ្លួនដែលរស់នៅ​ប្រទេសអ៊ុយក្រែនផងដែរ។ ជាក់ស្ដែង ដោយស្ថានភាពកាន់តែយ៉ាប់យឺនទៅៗ ចិនបានចាប់ផ្តើម​ជម្លៀសពលរដ្ឋ​របស់ខ្លួនចេញពី​ប្រទេសអ៊ុយក្រែនហើយ។ ប្រទេសចិនបានជម្លៀសពលរដ្ឋជុំទីមួយ​ពីអ៊ុយក្រែនកាលពីថ្ងៃចន្ទដើមសប្ដាហ៍ រួមទាំងនិស្សិតចិនជាង ៤០០ នាក់មកពីទីក្រុង Odessa និង ២០០ នាក់ពីរដ្ឋធានីកៀវ។ នេះបើយោងតាមកាសែតចិន Global Times ។

យ៉ាងណាមិញ មានជនជាតិចិនជាង ៦ពាន់នាក់បាន​ចុះឈ្មោះ ដើម្បីត្រៀមជម្លៀស ហើយពលរដ្ឋចិនជិត ១ពាន់នាក់បន្ថែមទៀត ត្រូវបានគេរំពឹងថា ត្រូវបានជម្លៀសចេញពីអ៊ុយក្រែនកាលថ្ងៃអង្គារទៅកាន់​ប្រទេសជិត​ខាងអ៊ុយក្រែន។

សូមជម្រាបថា ទីក្រុងប៉េកាំង​ដែលបាននិងកំពុងបង្កើតទំនាក់ទំនងជិតស្និទ្ធ​ជាមួយរុស្ស៊ី​មិនបានថ្កោលទោស​សកម្មភាពរបស់ទីក្រុងម៉ូស្គូទេ ដោយប៉េកាំង​បានត្រឹមតែ​​ជំរុញឱ្យគ្រប់ភាគីទាំងអស់អនុវត្តការអត់ធ្មត់ និង អំពាវនាវឱ្យមានការចរចាដោយសន្ដិវិធី៕​

អត្ថបទ ស៊ើង និមល់