វៀតណាម បន្ធូរបន្ថយការរឹតបន្តឹង និងធ្វើកំណែទម្រង់ទីផ្សារមាស ដើម្បីរក្សាស្ថិរភាពលុយដុង
ប្រទេសវៀតណាម បានដាក់ចេញផែនការបន្ធូរការរឹតបន្តឹង និងធ្វើកំណែទម្រង់ទីផ្សារមាស ដើម្បីជួយកាត់បន្ថយការប្រែប្រួលអត្រាប្ដូរប្រាក់របស់លុយដុង ពោលគ…
ជាក់ស្តែងនៅក្នុងឆ្នាំ២០០៩ ក្រុមប្រទេសអ្នកមានបានសន្យាផ្តល់ជំនួយ១០០ពាន់លានដុល្លារក្នុងមួយឆ្នាំដល់ក្រុមប្រទេសកំពុងអភិវឌ្ឍន៍ ហើយកាលពីឆ្នាំ២០២៤ បានសន្យាជួយ៣០០ពាន់លានដុល្លារក្នុង១ឆ្នាំ តែការផ្តល់ឱ្យជាក់ស្តែងមានចំនួនតិចតួចប៉ុណ្ណោះ។ នេះបើយោងតាមការចុះផ្សាយរបស់សារព័ត៌មមានធំៗជាច្រើន។
ក្រុមមេដឹកនាំប្រទេសកំពុងអភិវឌ្ឍន៍ ដែលកំពុងរងការគំរាមកំហែងពីការប្រែប្រួលអាកាសធាតុ ដែលភាគច្រើនបង្កឡើងដោយប្រទេសមានការអភិវឌ្ឍន៍ខ្លាំង បានប្រាប់មេដឹកនាំនៃក្រុមប្រទេសអ្នកមាននៅឯមហាសន្និបាតអង្គការសហប្រជាជាតិថា ពួកគេកំពុងរង់ចាំការសន្យាក្នុងការផ្តល់មូលនិធិ ដើម្បីគាំទ្រដល់វិធានការក្នុងការប្រយុទ្ធប្រឆាំងនឹងការកើនឡើងកម្ពស់ទឹកសមុទ្រ គ្រោះរាំងស្ងួត និងការកាប់បំផ្លាញព្រៃឈើ។
លោកស្រី ហ៊ីលដា ហេន (Hilda Heine) ប្រធានាធិបតីកោះម៉ាកសល (Marshall) បានលើកឡើងថា វាល្មមដល់ពេលហើយដែលក្រុមប្រទេសអ្នកមានត្រូវបំពេញកាតព្វកិច្ចរបស់ខ្លួនពាក់ព័ន្ធបញ្ហាបម្រែបម្រួលអាកាសធាតុ។ លោកស្រីបានរិះគន់ថា ក្រុមប្រទេសកំពុងអភិវឌ្ឈន៍ បានឮតែការសន្យារបស់ក្រុមប្រទេសអ្នកមានក្នុងការផ្តល់ជំនួយ តែការសន្យាបានត្រឹមសន្យា ពោលគឺការអនុវត្តជាក់ស្តែងមានលទ្ធផលតិចតួចប៉ុណ្ណោះ។
កាលពីឆ្នាំ២០០៩ ក្រុមប្រទេសអ្នកមានបានសន្យាផ្តល់មូលនិធិដល់ក្រុមប្រទេសកំពុងអភិវឌ្ឈន៍ ដែលកំពុងរងគ្រោះដោយសារការបំពុលបរិយាកាសក្នុងមួយឆ្នាំប្រមាណ១០០ពាន់លានដុល្លារ ហើយកាលពីឆ្នាំ២០២៤ នៅក្នុងកិច្ចប្រជុំកំពូលស្តីពីអាកាសធាតុរបស់អង្គការសហប្រជាជាតិ ក្រុមប្រទេសអ្នកមាន ក៏បានសន្យាជាថ្មីថា នឹងផ្តល់មូលនិធិរហូតដល់៣០០ពាន់លានដុល្លារក្នុងមួយឆ្នាំនៅមុនឆ្នាំ២០៣៥ ស្របពេលដែលអ្នកជំនាញបានប៉ាន់ប្រមាណថា ប្រទេសកំពុងអភិវឌ្ឍន៍ត្រូវការយ៉ាងហោចណាស់១ទ្រីលានដុល្លារ ជារៀងរាល់ឆ្នាំនៅចុងទសវត្សរ៍នេះ ដើម្បីឆ្លើយតបនឹងបម្រែបម្រួលអាកាសធាតុ។
ពាក់ព័ន្ធបញ្ហានេះ នាយករដ្ឋមន្ត្រីកោះហ្វីជីលោក ស៊ីទីវេនី រ៉ាប៊ូកា (Sitiveni Rabuka) បាននិយាយថា ការសន្យាទាំងនេះគួរតែត្រូវបានកំណត់ដោយច្បាប់។ ដោយឡែកប្រធានាធិបតីហ្គាណាលោក ចន ម៉ាហាម៉ា (John Mahama ) បានលើកឡើងថា ជនចំណាកស្រុកមួយចំនួនត្រូវបានគេលើកឡើងថា កើតឡើងដោយសារសង្រ្គាម ប៉ុន្តែភាពពិតជនចំណាកស្រុកទាំងនោះភាគច្រើនជាជនភៀសខ្លួនអាកាសធាតុ៕
ដោយៈ សរ សុជាតិ
