អ្នកទេសចរកម្ពុជាទាំងអស់មានដឹងទេថា ថ្មីៗនេះ ក្រុមហ៊ុនអាកាសចរណ៍អន្តរជាតិធំជាងគេបំផុតនៅលើពិភពលោក អ៊ែមឹរេត (Emirates) បានឈ្នះពានរង្វាន់ចំនួន 4 រួមមាន ពានរង្វាន់ក្រុមហ៊ុនអាកាសចរណ៍ឈានមុខគេនៅមជ្ឈិមបូព៌ា ពានរង្វាន់ក្រុមហ៊ុនអាកាសចរណ៍ល្បីឈ្មោះឈានមុខគេនៅមជ្ឈិមបូព៌ា ពានរង្វាន់កន្លែងសម្រាកសម្រាប់ថ្នាក់ជំនួញឈានមុខគេនៅមជ្ឈិមបូព៌ា និង ពានរង្វាន់ក្រុមនាវិកឈានមុខគេនៅមជ្ឈិមបូព៌ា។
ពិធីប្រកាសពានរង្វាន់នេះត្រូវបានចូលរួមពីសំណាក់អ្នកជំនាញជាង 500នាក់មកពីជុំវិញតំបន់មជ្ឈិមបូព៌ា។ លោក Khalid Al Serkal អ្នកគ្រប់គ្រងក្រុមហ៊ុន អ៊ែមឹរេត នៅតំបន់ Sharjah បានឡើងទទួលពានរង្វាន់ក្នុងនាមឲ្យក្រុមហ៊ុនអាកាសចរណ៍នេះ។
គួររំឭកផងដែរថា កាលពីឆ្នាំមុន ក្រុមហ៊ុន អ៊ែមឹរេត បានបើកដំណើរការផលិតផលបន្ថែមថ្មីលើយន្តហោះ ប៊ូអ៊ីង 777 និង A380 របស់ខ្លួន ដោយក្នុងនោះរួមមាន ការបើកដំណើរការនូវកន្លែងសម្រាកលើយន្តហោះធុន A380 ការបើកដំណើរការកៅអីឯកជនសម្រាប់ថ្នាក់ដំបូងលើយន្តហោះធុន Boeing 777-300ER និងបើកដំណើរការកន្លែងដាក់អីវ៉ាន់ និងរៀបចំរចនាសម្ព័ន្ធថ្មីលើយន្តហោះ Boeing 777-200LR។
ទិដ្ឋភាពខាងក្នុងនៃយន្តហោះរបស់អាកាសចរណ៍ Emirates។
តើអ្នកបានអានអត្ថបទនេះ ឬនៅ?
អ្នកដំណើរតាមយន្តហោះ អ៊ែមឹរេត នៅគ្រប់កាប៊ីនទាំងអស់ អាចរីករាយជាមួយនឹងប្រព័ន្ធកម្សាន្ត ice ដែលមានប៉ុស្តិ៍ទូរទស្សន៍រហូតដល់ 3500ប៉ុស្តិ៍ និងការប្រើប្រាស់ WiFi ដែលមានល្បឿន 20MB នៅលើយន្តហោះ។ មិនតែប៉ុណ្ណោះ អ្នកដំណើរក៏អាចរីករាយជាមួយនឹងអាហារតាមតំបន់ ដែលរៀបចំដោយមេចុងភៅលំដាប់កំពូលផងដែរ។
ចំណុចដែលគួរឲ្យចាប់អារម្មណ៍បន្ថែមទៀតនោះគឺ កន្លែងសម្រាកសម្រាប់ថ្នាក់ជំនួញចំនួន 7 នៅឯព្រលានយន្តហោះអន្ដរជាតិទីក្រុងឌូបៃ ដែលផ្តល់ជូនសេវាកម្មមានស្តង់ដារខ្ពស់បំផុតដល់អ្នកដំណើរមុនពេលហោះហើរ។ គួរឲ្យកត់សម្គាល់ផងដែរថា ក្រុមហ៊ុន អ៊ែមឹរេត បានពង្រីកកន្លែងសម្រាករបស់ខ្លួនទូទាំងពិភពលោកដល់ទៅ 41កន្លែងនៅឆ្នាំ2017។
បច្ចុប្បន្ននេះ អ៊ែមឹរេត មានយន្តហោះទំនើបៗ ចំនួន 269គ្រឿង ដែលរួមមានយន្តហោះប្រភេទ Airbus A380 យន្តហោះ Boeing 777 និងប្រភេទទំនើបផ្សេងទៀតជាច្រើន សម្រាប់ដឹកអ្នកដំណើររបស់ខ្លួន។
អ៊ែមឹរេត ជាក្រុមហ៊ុនអាកាសចរណ៍ដំបូងគេ និងតែមួយគត់ នៅក្នុងពិភពលោកដែលមានប្រតិបត្តិការហោះហើរទៅកាន់គោលដៅជាង 159 នៅក្នុងប្រទេសចំនួន 85 ឆ្លងកាត់ទ្វីបចំនួន 6។ ក្រុមហ៊ុនមានក្រុមអាកាសយានិកជាង 23000នាក់ ដែលមកពី 135 ប្រទេស និងនិយាយជាង 60ភាសា។ សមាជិកនាវិកត្រូវបានបណ្តុះបណ្តាលយ៉ាងពិសេស ដើម្បីផ្តល់ជូននូវបទពិសោធន៍ហោះហើរដ៏ល្អបំផុតលើយន្តហោះ អ៊ែមឹរេត៕
