ម៉ាក​ឱសថ Health Lane របស់ម៉ាឡេស៊ីមានលក់នៅទីផ្សារកម្ពុជាហើយ

លោកវណ្ណឌី បញ្ជាក់ថា ឱសថ Health Lane ជាឱសថដែលមានគុណភាពខ្ពស់ និងជាយីហោឱសថស្ថានដ៏ល្បីនៅម៉ាឡេស៊ីតាំងពីឆ្នាំ១៩៨៨ ហើយមកបច្ចុប្បន្នយីហោនេះ មានសាខាជាង៦០នៅទូទាំងប្រទេសម៉ាឡេស៊ី។ 

លោកបន្តថា៖ «ឱសថ Health Lane ទទួលបានពានរង្វាន់ជាច្រើន ដោយសារ តែវាមានគុណភាពខ្ពស់។ នៅពេលថ្ងៃនេះ យើងបាននាំចូលឱសថនេះមកកម្ពុជា ហើយខ្ញុំជឿថា ពលរដ្ឋនឹងមានទំនុកចិត្តលើយីហោដ៏ល្បីរបស់ម៉ាឡេស៊ីមួយនេះ។ យើងបើកសាខាទី១នៅថ្ងៃនេះ តាមគម្រោង យើងបើកឲ្យបាន២៥សាខានៅកម្ពុជា»។

បើតាមអគ្គនាយកក្រុមហ៊ុនខាងលើ មុននាំចូលឱសថមកលក់នៅកម្ពុជានេះ គឺក្រុមហ៊ុនបានបញ្ចូលឱសថការីពីកម្ពុជាទៅសិក្សានៅម៉ាឡេស៊ីរួចហើយ ហើយមុននឹងលក់ឱសថឲ្យពលរដ្ឋ ខាងក្រុមហ៊ុនមានអ្នកជំនាញ ដើម្បីពិនិត្យសុខភាពអតិថិជនជាមុនផងដែរ៕