ប្រធានាធិបតីកូរ៉េខាងត្បូងសច្ចាប្រើរយៈពេលចុងក្រោយក្នុងតំណែង ស្វែងរកសន្តិភាពជាមួយកូរ៉េខាងជើង
ព័ត៌មាន
•
ប្រធានាធិបតីកូរ៉ខាងត្បូងលោក ម៉ូ ជេអ៊ីន នៅថ្ងៃច័ន្ទទី០៣មករានេះបានសច្ចាថា លោកនឹងប្រើប្រាស់ពេលប៉ុន្មានខែចុងក្រោយរបស់លោកក្នុងតំណែងជាប្រធានា…
យោងតាមទិន្នន័យពីស្ថាប័ន Flight Aware បានឱ្យដឹងថា ជើងហោះហើរដែលត្រូវបានលុបចោលកាលពីថ្ងៃទី ២មករា រួមមានជាង ២ពាន់៤រយ ដែលធ្វើដំណើរចេញចូលសហរដ្ឋអាមេរិក។ ខណៈនៅទូទាំងពិភពលោក ជើងហោះហើរដល់ទៅជាង ១ម៉ឺនជើងឯណោះ ត្រូវបានពន្យារពេល។
ថ្ងៃឈប់សម្រាកបុណ្យណូអែល និងបុណ្យឆ្លងឆ្នាំថ្មី ជាទូទៅគឺជាពេលវេលាដ៏មមាញឹកសម្រាប់ការធ្វើដំណើរតាមផ្លូវអាកាស ប៉ុន្តែការរីករាលដាលយ៉ាងឆាប់រហ័សនៃមេរោគអូមីក្រុង បាននាំឱ្យមានការកើនឡើងយ៉ាងខ្លាំងនៃការឆ្លងជំងឺកូវីដ១៩ ដែលបង្ខំឱ្យក្រុមហ៊ុនអាកាសចរណ៍ជាច្រើនលុបចោលជើងហោះហើររបស់ខ្លួន។ ទន្ទឹមនេះ ភ្នាក់ងារដឹកជញ្ជូននៅទូទាំងសហរដ្ឋអាមេរិកក៏បានផ្អាក ឬកាត់បន្ថយសេវាកម្មផងដែរ ដោយសារបញ្ហាកង្វះបុគ្គលិក។
ជុំវិញការកើនឡើងករណីឆ្លងនេះ ក្រុមអាកាសយានិក និងបុគ្គលិកផ្សេងៗទៀត របស់ក្រុមហ៊ុនអាកាសចរណ៍អាមេរិក មានការស្ទាក់ស្ទើរក្នុងការធ្វើការបន្ថែមម៉ោងក្នុងអំឡុងពេលថ្ងៃឈប់សម្រាក បើទោះបីជាមានការផ្ដល់ជូននូវការលើកទឹកចិត្តផ្នែកហិរញ្ញវត្ថុច្រើនក៏ដោយ។
យ៉ាងណាមិញ ក្រៅតែពីការលុបជើងហោះហើរ មេរោគអូមីក្រុង ក៏បានធ្វើឱ្យមានការរំខានដល់ការប្រារព្ធអបអរឱកាសឆ្នាំថ្មី២០២២ នៅប្រទេសជាច្រើនផងដែរ ជាពិសេសប្រទេសនៅតំបន់អឺរ៉ុប ដោយក្នុងនោះ ទីក្រុងប៉ារីសបានលុបចោលកម្មវិធីអបអរសាទមួយចំនួនរបស់ខ្លួន ខណៈទីក្រុងឡុងដ៍វិញបានប្រារព្ធពីធីទទួលស្វាគមន៍ឆ្នាំថ្មីជាមួយនឹងការបាញ់កាំជ្រួចលើកញ្ជក់ទូរទស្សន៍ ហើយទីក្រុងញូវយ៉កបានកាត់បន្ថយការប្រារព្ធពិធីមួយចំនួនរបស់ខ្លួនផងដែរ ក្នុងគោលបំណងបញ្ជៀសការប្រមូលផ្ដុំមនុស្សច្រើន។
សូមសម្រាបថា គិតមកទល់ពេលនេះ អ្នកឆ្លងជំងឺកូវីដ១៩សរុបនៅជុំវិញពិភពលោកមានចំនួន ២៨៩លាននាក់ ហើយចំនួនអ្នកស្លាប់សរុបមាន ៥លាន ៤៤ម៉ឺននាក់ ដែលក្នុងនោះ សហរដ្ឋអាមេរិកជាប្រទេសនាំមុខគេដែលបានកត់ត្រាករណីឆ្លងច្រើនជាងគេ ពោលគឺករណីឆ្លងសរុបនៅអាមេរិកមានជាង ៥៥លាននាក់ និងអ្នកស្លាប់សរុបមានចំនួន ៨២ម៉ឺននាក់៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
