ការឈប់សម្រាកនាអំឡុងពេលពិធីបុណ្យចូលឆ្នាំចិន និងវៀតណាម ក៏ត្រូវបានក្រសួងផែនការ និងវិនិយោគវៀតណាមចាត់ទុកថា ក៏ជាដើមចមដែលធ្វើឲ្យមានការប៉ះពាល់ដល់លំហូរវិនិយោគផ្ទាល់ពីក្រៅប្រទេសមកកាន់វៀតណាមក្នុងរយៈពេល ២ខែនៃឆ្នាំដំបូងនេះផងដែរ។
ការវិនិយោគពីបរទេស បានចាក់បញ្ចូលដើមទុន ទៅក្នុងវិស័យចំនួន១៨ ក្នុងនោះ វិស័យផលិតថាមពលអគ្គិសនី គឺទទួលបានចំណែកវិនិយោគច្រើនជាងគេបង្អស់ ដែលមានប្រមាណជាង ៦០% ពោលគឺមានតម្លៃជាទឹកប្រាក់វិនិយោគសរុបជិត ៤ពាន់លានដុល្លារអាមេរិក និងត្រូវបានតាមពីក្រោយដោយ វិស័យផលិត និងកែច្នៃ ដែលទទួលបានចំណែកនៃកាវិនិយោគជាង២៧%។
អត្ថបទទាក់ទង!
ប្រទេសសិង្ហបុរី ត្រូវបានគេដឹងថា គឺជាដៃគូវិនិយោគបរទេសនាំមុខគេរបស់វៀតណាម នៅក្នុងរយៈពេលដើមឆ្នាំ២០២០នេះ ដែលមានតម្លៃទុនវិនិយោគជាង ៤ពាន់លានដុល្លារ មានប្រមាណជិត ៦៤% នៃដើមទុនចុះបញ្ជីសរុប តាមពីក្រោយដោយប្រទេសចិនដីគោកមានចំណែកវិនិយោគ ១១% និង កូរ៉ូខាងត្បូង មាន ៦,៦%។
នៅក្នុងរយៈពេល ២ខែ ដំបូងនៃឆ្នាំ២០២០នេះ វៀតណាមទទួលបានទុនវិនិយោគជាង ២៤០០ លានដុល្លារ ធ្លាក់ចុះប្រហែល៥% ធៀបនឹងរយៈពេលដូចគ្នាកាលពីឆ្នាំមុន។ កាលពីឆ្នាំ ២០១៩ លំហូរទុនវិនិយោគផ្ទាល់ពីបរទេសលើគម្រោងថ្មីៗនៅវៀតណាម គួបផ្សំទាំង ការចាក់បន្ថែមទុនលើគម្រោងមានស្រាប់ និងការទិញភាគហ៊ុនរបស់ក្រុមហ៊ុនក្នុងស្រុកផងនោះ សរុបទៅ គឺមានកំណើន ៧,២% ធឿបនឹងឆ្នាំ ២០១៨ ពោលគឺមានតម្លៃជាទឹកប្រាក់សរុប ៣៨ ពាន់លានដុល្លារអាមេរិក ដែលជាកម្រិតកំណើនខ្ពស់បំផុតក្នុងរយៈពេល១០ឆ្នាំមកនេះ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
