ប្រទេសហ្ស៊ីមបាបវ៉េ ផលិតរូបិប័ណ្ណថ្មីដើម្បីបោះជំហានឆ្ពោះទៅបញ្ចប់ការប្រើប្រាក់ដុល្លារអាម៉េរិក ទាំងស្រុងក្នុងសេដ្ឋកិច្ចជាតិ

រូបិយប័ណ្ណ ហ្ស៊ីក (ZiG) ត្រូវបានដាក់ឱ្យធ្វើចរាចរកាលពីថ្ងៃទី៥ ខែមេសា ដើម្បីជំនួសប្រាក់ដុល្លារហ្ស៊ីមបាបវ៉េ បន្ទាប់ពីការធ្លាក់ថ្លៃយ៉ាងរហ័ស និងជាញឹកញាប់បានធ្វើឱ្យប្រាក់ដុល្លារអាម៉េរិក ក្លាយជារូបិយប័ណ្ណដ៏ពេញនិយមបំផុតសម្រាប់ប្រតិបត្តិការសេដ្ឋកិច្ចក្នុងឆ្នាំ២០២៣ កន្លងទៅ។

តែទោះជាយ៉ាងណា ប្រាក់ដុល្លារអាម៉េរិក នៅតែជារូបិយប័ណ្ណដ៏លេចធ្លោនៅក្នុងប្រទេសហ្ស៊ីមបាបវ៉េ សូម្បីក្រោយពីរដ្ឋាភិបាល នៃប្រទេសនេះ បានកំណត់ឱសានវាទបញ្ចប់ការប្រើប្រាស់ប្រាក់ដុល្លារអាម៉េរិក ទាំងស្រុងក្នុងសេដ្ឋកិច្ចនៅត្រឹមខែធ្នូ ឆ្នាំ២០២៥ យ៉ាងណាក្ដី។

សូមបញ្ជាក់ថា បច្ចុប្បន្ន ប្រាក់ដុល្លារអាម៉េរិក ត្រូវបានប្រើប្រាស់រហូតដល់ទៅជាង៨០%ទៅហើយក្នុងប្រតិបត្តិការសេដ្ឋកិច្ចជាតិទូទាំងរបស់ប្រទេសនេះ៕

ដោយ: តែម សុខុម