ដោយ
ខេមបូណូមីស
ការបន្ដអូសបន្លាយនៅក្នុងសង្គ្រាមជាមួយនឹងអ៊ុយក្រែនកាន់តែយូរ នឹងត្រូវធ្វើឲ្យសេដ្ឋកិច្ចរុស្ស៊ីដួលរលំ ដោយសារតែកញ្ចប់ទណ្ឌកម្មរបស់ សហគមន៍អន្តរជាតិនៅឆ្នាំ២០២៤ ។ នេះគឺជាសំដីរបស់មហាសេដ្ឋីលំដាប់ពិភពលោករុស្ស៊ីមួយរូប គឺលោក Oleg Deripaska បាននិយាយ នៅក្នុងសន្និសីទសេដ្ឋកិច្ចនៅតំបន់ស៊ីបេរី ហើយត្រូវបានដកស្រង់់សំដីដោយទីភ្នាក់ងារព័ត៌មានរុស្ស៊ី TASS។ លោកបានគូសបញ្ជាក់ទៀតថា ទីក្រុងម៉ូស្គូកំពុងតែត្រូវការលំហូរទុនវិនិយោគពីបរទេសខ្លាំងបំផុត បើមិនដូច្នេះទេ រុស្ស៊ីនឹងអស់លុយ នៅឆ្នាំ២០២៤ ខាងមុខនេះ។