[វីដេអូ] ឧកញ៉ា វេជ្ជបណ្ឌិត គួច ម៉េងលី ៖ ចង់ជោគជ័យត្រូវបន្ទុំខ្លួនឲ្យទុំជាមុនសិន

លើលោកនេះ គ្មានមនុស្សណាម្នាក់​ចង់រស់នៅ​ក្នុងភាពបរាជ័យនោះទេ គឺរមែង​តែ​ចង់បាន​នូវ​ភាពជោគជ័យ​ក្នុងជីវិត។ ប៉ុន្ដែ ពេលខ្លះ ដំណើរ​ឆ្ពោះទៅរកភាពជោគជ័យនេះ វាក៏មានងាយស្រួលនោះដែរ បើអ្នកមិនបាន​ត្រៀមខ្លួន​ និងគ្មានការ​តាំងចិត្តខ្ពស់។ លោកឧកញ៉ា គួច ម៉េង លី ដែលជា​ប្រធាន​ក្រុមប្រឹក្សាភិបាល​នៃ​ក្រុមហ៊ុន​ម៉េង លី ជេគួច គ្រុប មាន​គំនិតគន្លឹះមួយចំនួន ឲ្យលោកអ្នកពិចារណា បើសិនជាចង់ក្លាយ​ជាបុគ្គល​ជោគជ័យ ទៅថ្ងៃអនាគត។

លោកឧកញ៉ា វេជ្ជបណ្ឌិត គួច ម៉េងលី ដែលជា​បុគ្គល​ជោគជ័យមួយរូប​ក្នុងវិស័យអប់រំ បាន​អះអាងថា យុវជន​ ដែលចង់​ក្លាយជាអ្នកជោគជ័យ ចូរ​រៀន​ហាត់ពត់លត់ដំខ្លួន​ជាមុនសិន កុំធ្វើអ្វីទាំងតក់ក្រហល់ ទាំងខ្លួន​មិនទាន់មានចំណេញជំនាញ​ពិតប្រាកដ ពោលគឺ ត្រូវចេះ បន្ទុំខ្លួនឯង​ឲ្យទំសិន មានន័យថា កសាងសមត្ថភាព​ជំនាញ​របស់យើង​ឲ្យបាន​ច្បាស់លាស់សិន​មុននឹង​ទៅចាប់រកស៊ីរបរណាមួយ។