ថ្ងៃសម្រាកចូលឆ្នាំថ្មីនៅភូមា តែបាតុករមិនសម្រាកឡើយដោយនៅបន្ដចេញធ្វើបាតុកម្ម
ព័ត៌មាន
•
ដើម្បីបង្ហាញការប្រឆាំងនឹងរដ្ឋប្រហាររបស់ក្រុមយោធា ពលរដ្ឋភូមារាប់រយនាក់បានចុះផ្លូវធ្វើបាតុកម្មជារៀងរាល់ថ្ងៃនៅពាសពេញទីក្រុង ទោះបីស្ថិតក្នុងថ្ង…
ក្រុមហ៊ុនទូរស័ព្ទ Xiaomi គឺជាម៉ាកទូរស័ព្ទដែលមានចំណែកទីផ្សារធំបំផុតទី២របស់ពិភពលោកនៅក្នុងឆ្នាំ២០២០។ នេះបើតាមទិន្នន័យពីស្ថាប័នស្រាវជ្រាវ Counterpoint Research។
ទោះយ៉ាងណា កាលពីអំឡុងខែកក្កដា ដល់ ខែកញ្ញា ឆ្នាំ២០២០ ចំណែកទីផ្សាររបស់ Xiaomi ក៏មានការធ្លាក់ចុះដែរ តែក្រុមហ៊ុនចិននេះ អះអាងថា សារតែមានឧបសគ្គចំពោះខ្សែចង្វាក់ផ្គត់ផ្គង់ ដោយមិនបានបញ្ជាក់ថាទីផ្សារធ្លាក់ចុះនេះ ដោយសារតែបញ្ហាជម្លោះរវាងរដ្ឋាភិបាលឥណ្ឌា និងចិននោះទេ។ នោះមានន័យថា យុទ្ធនាការពហិការប្រឆាំងចំពោះផលិតផលចិន ដែលបានកើតឡើងពីសំណាក់ពលរដ្ឋឥណ្ឌាកាលពីពេលកន្លងទៅនោះ គឺមិនបានធ្វើឲ្យប៉ះពាល់ដល់ទីផ្សាររបស់ Xiaomi នោះទេ។
អ្នកជំនាញខ្លះថា ការប្រឆាំងចិនពីសំណាក់ពលរដ្ឋឥណ្ឌា គឺគ្រាន់តែនិយាយនឹងមាត់ប៉ុណ្ណោះ ប៉ុន្ដែមិនមានសកម្មភាពពិតប្រាកដទេ។ នេះគឺព្រោះតែ ការនិយមប្រើប្រាស់ទូស័ព្ទម៉ាកល្បីៗតម្លៃថ្លៃដូចជា Apple និង OnePlus គឺមានចំណែកទីផ្សារតិចតួចប៉ុណ្ណោះនៅឥណ្ឌា ខណៈដែលទូរស័ព្ទរបស់ចិនវិញ គឺមានតម្លៃថោកជាង ដែលពលរដ្ឋឥណ្ឌាជាច្រើនអាចមានលទ្ធភាពទិញប្រើប្រាស់បាន។
ស្របពេលដែលពលរដ្ឋឥណ្ឌាភាគច្រើននិយមប្រើប្រាស់ទូរស័ព្ទស្មាតហ្វូនរបស់ចិន រដ្ឋាភិបាលឥណ្ឌាឯណោះវិញ កាលពីឆ្នាំ២០២០បានបិទកម្មវិធីទូស័ព្ទរបស់ចិនចំនួន ១១៨កម្មវិធី មិនឲ្យប្រើប្រាស់នៅក្នុងប្រទេសឥណ្ឌានោះទេ រួមទាំងកម្មវិធី TikTok ផងដែរ។
មែនទែនទៅ ឥណ្ឌាក៏មានផលិតម៉ាកទូរស័ព្ទរបស់ខ្លួនដែរ ដូចជាម៉ាក Micromax និង Lava ជាដើម ប៉ុន្ដែ ក្រុមហ៊ុនទាំងនេះ មិនសូវសមប្រកបនឹងទីផ្សារនោះទេ ដោយមានតិចជាង១% នៃទីផ្សារសរុប។ បញ្ហាដែលទូរស័ព្ទស្មាតហ្វូនឥណ្ឌាមិនអាចងើបមុខរួច គឺដោយសារតែ ការផលិតស្មាតហ្វូនរបស់ប្រទេសមួយនេះ មិនអាចធ្វើទៅបានឡើយបើគ្មានវត្ថុធាតុដើមពីឥណ្ឌា។ សមាសធាតុសម្រាប់ការផលិតទូរស័ព្ទភាគច្រើនគឺត្រូវនាំចូលពីប្រទេសចិន ហើយដំឡើងនៅឥណ្ឌា ហើយការនាំចូលពីចិននេះ គឺមានប្រហែល៤៥%។
សូមបញ្ជាក់ថា ចំណែកទីផ្សាររបស់ទូរស័ព្ទស្មាតហ្វូននៅឥណ្ឌា គិតត្រឹមត្រីមាសចុងក្រោយឆ្នាំ២០២០ ឃើញថាចំណែកទីផ្សាររបស់ Xiaomi គឺមានច្រើនជាងគេ ពោលគឺមាន២៦%, Samsung មាន ១៩%, Vivo មាន១៥%, realmeមាន១២% និង Oppo មាន១០% និងម៉ាកទូស័ព្ទផ្សេងៗទៀតមាន១៨%៕
ចុច Like Facebook Page របស់ខេមបូណូមីស និងចូលរួមក្នុង Telegram ដើម្បីទទួលបានព័ត៌មានថ្មីៗលឿនរហ័សមុនគេ: https://t.me/cambonomist
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
