ដំណើរទស្សនកិច្ចរបស់គណៈប្រតិភូវិនិយោគិនជប៉ុនដ៏ធំបំផុតមិនធ្លាប់មានពីមុនមកនេះ ត្រូវគេរំពឹងថា នឹងជំរុញបន្ថែមវិនិយោគនៅក្នុងរបៀងសេដ្ឋកិច្ចបូព៌ារបស់ប្រទេសថៃ ដែលគេព្យាករថា នឹងមានតម្លៃទុនវិនិយោគសរុបដល់ទៅជាង ១,៥ទ្រីលានបាត (ឬជាង ៤៥ពាន់លានដុល្លារអាមេរិក) ក្នុងរយៈពេល៥ឆ្នាំខាងមុខ។
កាសែត បាងកកប៉ុស្តិ៍ បានចុះផ្សាយដោយដកស្រង់ប្រសាសន៍រដ្ឋមន្ត្រីឧស្សាហកម្មថៃ ដែលបានមានប្រសាសន៍ថា «ជប៉ុនគឺជាមិត្តពិតប្រាកដរបស់ថៃ»។
តើអ្នកបានអានអត្ថបទនេះ ឬនៅ?
លោករដ្ឋមន្ត្រីឧស្សាហកម្មថៃ អ៊ុតាម៉ា សាវ៉ាណាយ៉ាណា ឲ្យដឹងថា ទស្សនកិច្ចក្រុមធុរជនជប៉ុនដ៏ធំនេះ នឹងធ្វើឡើងពីថ្ងៃទី១១ ដល់ថ្ងៃទី១៣ កញ្ញា ឆ្នាំ២០១៧ ដែលជាឱកាសប្រារព្ធទំនាក់ទំនងការទូត ១៣០ឆ្នាំ រវាងថៃនិងជប៉ុន ផងដែរ។
កាលពីឆ្នាំ២០១៦ ជប៉ុនជាប់ចំណាត់ថ្នាក់ជាវិនិយោគិនបរទេសធំជាងគេបំផុតនៅក្នុងប្រទេសថៃ ដោយមានទុនវិនិយោគសរុប ៧៩,៦ពាន់លានបាត ស្មើនឹង ២៨៤គម្រោងវិនិយោគ៕
