ចំណូលពីគយ ថយចុះជាង១៥% នៅត្រីមាសទី១ ឆ្នាំ២០២១

ក្នុងនោះដែរ ប្រាក់ចំណូលដែលប្រមូលបាន​នៅ៣ខែដំបូងនៃឆ្នាំនេះ គឺស្មើនឹងប្រមាណ ២៦% នៃផែនការ​ប្រចាំឆ្នាំ ដែលកំណត់​ដោយ​ច្បាប់​ស្ដពីហិរញ្ញវត្ថុ សម្រាប់​ការគ្រប់គ្រង​ឆ្នាំ២០២១។

ចំណូលប្រចាំត្រីមាសទី១ ឆ្នាំ២០២១ នេះ បើគិតតាម​ប្រភេទពន្ធ និងអាករនោះ ឃើញថា អាករលើតម្លៃបន្ថែមមានជាង ៣៧%នៃចំណូលសរុប, អាករពិសេសមាន ៣៨%, ពន្ធគយមានជិត ១៨%, អាករបន្ថែមលើ​ផលិតផល​ប្រេងមាន ៤,៣%, និងអាករនាំចេញ​​និងកម្រៃផ្សេងៗ​មាន ២%នៃ​ចំណូលសរុប)។ បើគិតតាម​ក្រុមទំនិញវិញ ចំណូលពី​យានយន្ត និងគ្រឿងចក្រមាន​គ្របដណ្តប់ជាង ៤៣% នៃចំណូលសរុប, ទំនិញចម្រុះមានជាង ២៧%, ផលិតផលតេលសិលា​មាន ២៣% និង សម្ភារសំណង់និងកម្រៃផ្សេងៗ មាន ៦,៣% នៃចំណូលសរុប។

សូមបញ្ជាក់ដែរថា បើតាម​សម្តេច ហ៊ុន សែន ចំណូលពន្ធដារ ដែលជាប្រភពចំណូល​ដ៏សំខាន់​មួយទៀត​របស់រដ្ឋាភិបាល ក៏សម្រេចបាន​ជាង​១ពាន់លានដុល្លារអាមេរិកដែរ នៅ៣ខែ​ដើមឆ្នាំ២០២១នេះ ដោយសរុបទៅ ទាំងចំណូលពីអគ្គនាយកដ្ឋានគយ និងអគ្គនាយកដ្ឋានពន្ធដារ​មានជាង​ ១ពាន់៦រយលាន​ដុល្លារអាមេរិក៕ ​