អ៊ីស្រាអែលខ្លាំងខាងយោធា តែខ្វះកម្លាំងដោះមីន រហូតដល់យកពីស្រុកខ្មែរ?

ប្រទេសអ៊ីស្រាអែលជាសម្ព័ន្ធមិត្រដ៏ជិតស្និទ្ធរបស់មហាអំណាចយោធាអាមេរិក។ ដោយសារមានការគាំទ្រពីសហរដ្ឋអាមេរិក អ៊ីស្រាអែលមានឥទ្ធិពលយោធាខ្លាំងសម្បើមនៅក្នុងតំបន់របស់ខ្លួន។ ប៉ុន្តែ ដូចពាក្យចាស់ថា សេដ្ឋីគង់ខ្វះអម្បែង ! ឥឡូវនេះ អ៊ីស្រាអែលជួយក្រុមដោះមីន និងសុនខហិតមីន ពីកម្ពុជា ដើម្បីទៅធ្វើការដោះមីននៅក្នុងប្រទេសរបស់ខ្លួន។

កងកម្លាំងដោះមីន ២៣នាក់ រួមនឹងសុនខហិតមីន ១២ក្បាល នឹងទៅប្រទេសអ៊ីស្រាអែលដើម្បីបំពេញការងារដោះមីននៅទីនោះ។

ដោយ ថៃ សុធា 7 years

អំពី ដោះមីន

លោក ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា ហៅកាត់ CMACបានសរសេរលើទំព័រហ្វេសប៊ុករបស់លោកថា កម្លាំងជំនាញដោះមីនកម្ពុជា ២៣រូប រួមនឹងសុនខហិតមីន ១២ក្បាល នឹងចេញដំណើរទៅប្រទេសអ៊ីស្រាអែល ក្នុងសប្ដាហ៍នេះ ដើម្បីបំពេញបេសកកម្មដោះមីននៅទីនោះ។

លោក ហេង រតនា បានបញ្ជាក់ថា បេសកកម្មនេះបានការអនុម័តពីស្ថាប័នជំនាញរបស់អ៊ីស្រាអែល រួចរាល់ហើយ ហើយថា នេះជាបទពិសោធន៍យ៉ាងសំខាន់សម្រាប់កងកម្លាំងដោះមីនរបស់កម្ពុជា។

យោងតាមកាសែត ឌឹ ខេមបូឌា ដេលីក្រុមអ្នកដោះមីនកម្ពុជា នឹងត្រូវទៅធ្វើការនៅអ៊ីស្រាអែល ៤ខែ ដើម្បីរាវរកនិងសម្អាតមីនលើផ្ទៃដី ២៥ហិកតារ នៅក្នុងតំបន់ដាច់ស្រយាលមួយរបស់ប្រទេសអ៊ីស្រាអែល។

ប៉ុន្តែ កាសែតដដែល ថា មន្ត្រី CMAC មិនបញ្ជាក់ថា តើអ៊ីស្រាអែលនឹងផ្ដល់ថវិកាចំនួនប៉ុន្មានសម្រាប់ការងាររបស់ក្រុមដោះមីនពីកម្ពុជានេះ៕