នៅខែមករា ដើមឆ្នាំ២០២១ ក្រុមប្រឹក្សាអភិវឌ្ឍន៍កម្ពុជាបានអនុម័តលើគម្រោងអភិវឌ្ឍន៍ដល់ក្រុមហ៊ុនចំនួន១១ ដែលមានទុនវិនិយោគសរុបប្រមាណ ជិត៤៤លានដុល្លារ ខណៈនៅខែកុម្ភៈមាន ចំនួន១៦គម្រោង ដែលមានទុនវិនិយោគសរុបប្រមាណជាង៧០០លានដុល្លារ។
ដោយឡែក នៅខែមីនា ក្រុមប្រឹក្សាអភិវឌ្ឍន៍កម្ពុជាបានអនុម័តលើគម្រោងអភិវឌ្ឍន៍ចំនួន១៣ ដែលមានទុនវិនិយោគសរុបប្រមាណជាង ១ពាន់៣រយ ប៉ុន្ដែនៅខែមេសា មានគម្រោងតែ៧ប៉ុណ្ណោះ ដែលត្រូវបានអនុម័ត ដែលមានទុនវិនិយោគជាង២៦ លានដុល្លារ។
គម្រោងភាគច្រើន ដែលត្រូវបានអនុម័តនៅ៤ខែកន្លងមកនេះ គឺជាគម្រោងរោងចក្រវាយនភណ្ឌកាត់ដេរ គ្រឿងបង្គុំអគ្គិសនី ទោចក្រយានយន្ត រោងចក្រដំឡើងទោចក្រយានយន្តដើរដោយថាមពលអគ្គិសនី និងរោងចក្រផលិតអគ្គិសនីដើរថាមពលព្រះអាទិត្យ និងធ្យូងថ្មជាដើម។ រោងចក្រទាំងនេះ ភាគច្រើនមានទីតាំងស្ថិតនៅរាជធានីភ្នំពេញ ខេត្តកណ្តាល ស្វាយរៀង ខេត្តព្រះសីហនុ និងកំពង់ស្ពឺ។
អត្ថបទទាក់ទង!
អ្នកជំនាញក្នុងវិស័យអចលនទ្រព្យរូបនេះរំពឹងថា ក្រោយរាជរដ្ឋាភិបាលបិទបញ្ចប់វិធានការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាលនៅថ្ងៃទី៦ ខែឧសភា ការវិនិយោគលើវិស័យនេះ និងមានស្ថានភាពកាន់តែល្អប្រសើរជាងមុន។
ទិន្នន័យពីក្រុមប្រឹក្សាអភិវឌ្ឍន៍កម្ពុជាបានឲ្យដឹងថា កាលពីឆ្នាំ២០២០ កម្ពុជាទទួលបានគម្រោងវិនិយោគសរុបជិត២៤០គម្រោង មានទុនវិនិយោគជាង៨ពាន់លានដុល្លារ មានការធ្លាក់ចុះប្រមាណ១២% ធឿបនឹងឆ្នាំ២០១៩៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
