ក្រុមហ៊ុនគ្រាក់ៗរបស់ហ្វីលីពីន និងវៀតណាម រួមគ្នាបោះទុនវិនិយោគរហូតដល់ទៅ១៨៥ពាន់លានដុល្លារនៅវៀតណាម
ក្រុមហ៊ុនវិនិយោគពហុវិស័យគ្រាក់ៗរបស់ហ្វីលីពីន និងវៀតណាម មានគម្រោងរួមគ្នាបោះទុនវិនិយោគរហូតដល់ទៅប្រមាណ១៨៥ពាន់លានដុល្លារអាម៉េរិក លើគម្រោ…
បើតាមការគូសបញ្ជាក់របស់ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ក្រុមហ៊ុនអាកាសចរណ៍ឥណ្ឌា IndiGO នឹងភ្ជាប់ជើងហោះហើរត្រង់ពីក្រុងកុលកាតា (Kolkata) ប្រទេសឥណ្ឌា មកកាន់អាកាសយានដ្ឋានអន្តរជាតិ ខេត្តសៀមរាបអង្គរ ចាប់ពីថ្ងៃទី១៣ ខែវិច្ឆិកា ឆ្នាំ២០២៥ តទៅ។ ថ្នាក់ដឹកនាំក្រសួងទេសចរណ៍បានអះអាងថា ការតភ្ជាប់ជើងហោះហោះត្រង់រវាងប្រទេសទាំងពីរមិនមែនកើតឡើងដោយចៃដន្យនោះទេ ពោលគឺវាកើតចេញពីកិច្ចខិតខំប្រឹងប្រែងរបស់រាជរដ្ឋាភិបាល ក៏ដូចជាក្រសួងស្ថាប័នពាក់ព័ន្ធ គួបផ្សំប្រទេសទាំងពីរមានទំនាក់ទំនងការទូត និងកិច្ចសហប្រតិបត្តិការល្អ។
លោក ធួន ស៊ីណាន ប្រធានសមាគមទេសចណ៍អាស៊ីប៉ាស៊ីហ្វិកប្រចាំកម្ពុជា បានសាទរចំពោះការតភ្ជាប់ជើងហោះហើរត្រង់របស់ក្រុមហ៊ុនអាកាសចរណ៍ឥណ្ឌា IndiGO មកកាន់អាកាសយានដ្ឋានអន្តរជាតិ សៀមរាបអង្គរនេះ ដ្បិតវាជាការទន្ទឹងរង់ចាំជាយូរមកហើយរបស់កម្ពុជា។ អ្នកជំនាញរូបនេះរំពឹងថា ការតភ្ជាប់ជើងហោះហើរត្រង់នេះនឹងក្លាយជាស្ពានតភ្ជាប់ដ៏មានតម្លៃសម្រាប់វិស័យទេសចរណ៍រវាងប្រទេសទាំងពីរ ជាពិសេសវានឹងជួយស្រូបទាញភ្ញៀវទេសចរឥណ្ឌាឱ្យចូលមកកម្សាន្តនៅកម្ពុជាបានកាន់តែច្រើនបន្ថែមទៀត ព្រោះឥណ្ឌាជាទីផ្សារទេសចរណ៍ធំលំដាប់ទី២ បន្ទាប់ពីចិន ដែលបានចូលរួមក្នុងការអភិវឌ្ឍសេដ្ឋកិច្ចទេសចរណ៍សកល។
បើតាមមន្ត្រីជាន់ខ្ពស់អាកាសចរណ៍ស៊ីវិល បច្ចុប្បន្នអាកាសយានដ្ឋានអន្តរជាតិ សៀមរាបអង្គរ មានក្រុមហ៊ុនអាកាសចរណ៍ចំនួន១០ កំពុងប្រតិបត្តិការហោះហើរចេញ-ចូល ដោយក្នុងនោះមានក្រុមហ៊ុនក្នុងស្រុកចំនួន២ និងក្រុមហ៊ុនអន្តរជាតិចំនួន៨ និងរំពឹងទទួលបានក្រុមហ៊ុនអាកាសចរណ៍ថ្មីចំនួន៣បន្ថែមទៀតតភ្ជាប់មកកាន់អាកាសយានដ្ឋានអន្តរជាតិនេះនៅត្រឹមដំណាច់ឆ្នាំ២០២៥។ បច្ចុប្បន្នអាកាសយានដ្ឋានអន្តរជាតិនេះទទួលបានអ្នកដំណើរចេញចូលជាមធ្យមប្រមាណជាង៣ពាន់៤រយនាក់ក្នុង១ថ្ងៃ ជាមួយជើងហោះហើរចេញចូលចំនួន៣៦ជើងក្នុង១ថ្ងៃ៕
អត្ថបទ សោម ស្រីពេជ្រ និងរូបភាពឯកសារ
