រាជរដ្ឋាភិបាលជប៉ុននឹងកាត់បន្ថយចំនួនថ្ងៃធ្វើចត្តាឡីស័ក ពីរយៈពេល ១០ ថ្ងៃ មកនូវត្រឹមតែ ៣ ថ្ងៃ សម្រាប់អ្នកធ្វើដំណើរ ដែលជាអ្នកជំនួញរយៈពេលខ្លីនៅក្នុងប្រទេសជប៉ុន។ លើសពីនេះ ក្រុមហ៊ុន និងអង្គការដែលធ្វើការជាមួយជនបរទេសទាំងនោះ នឹងតម្រូវឱ្យត្រួតពិនិត្យរាល់សកម្មភាពរបស់ពួកគេផងដែរ។ ដោយឡែក ចំពោះជនជាតិជប៉ុនដែលត្រឡប់មកពីការធ្វើអាជីវកម្មនៅក្រៅប្រទេស ក៏នឹងតម្រូវឱ្យធ្វើចត្តាឡីស័កក្នុងរយៈខ្លីដូចគ្នាដែរ។
ប្រទេសជប៉ុនបានបិទការធ្វើអន្តោប្រវេសន៍ចាប់តាំងពី ខែមករា មកម្ល៉េះ ដើម្បីទប់ស្កាត់ការឆ្លងរាលដាលនៃជំងឺកូវីដ ១៩។ ក្នុងនោះ មានតែជនបរទេសដែលមាន ករណីលើកលែងពិសេស ដូចជាអ្នកដែលមានលិខិតអនុញ្ញាតចូលប្រទេសឡើងវិញ ជាប្តីប្រពន្ធ និងកូនរបស់ជនជាតិជប៉ុនតែប៉ុណ្ណោះ ទើបអាចធ្វើដំណើរចូលប្រទេសជប៉ុនបាន។អត្ថបទ ស៊ើង និមល់
អត្ថបទគួរអាន
ជាក់ស្ដែង គិតត្រឹមថ្ងៃទី ១ វិច្ឆិកានេះ មានជនបរទេសប្រហែល ៣៧ ម៉ឺននាក់ មិនអាចចូលមកប្រទេសជប៉ុនបាន ហើយក្នុងនោះមានប្រមាណ ៧០ ភាគរយ ជាអ្នកហាត់ការបច្ចេកទេស និងសិស្សនិស្សិតបរទេស។ យ៉ាងណាមិញ ជុំវិញវិធានការដ៏តឹងរឹងនៅក្នុងប្រទេសជប៉ុន បានធ្វើឱ្យវិស័យកសិកម្ម រុក្ខាប្រមាញ់ និងនេសាទកំពុងជួបបញ្ហាកង្វះកម្លាំងពលកម្ម ស្របពេលដែលវិស័យអប់រំក្នុងប្រទេសនេះ ក៏កំពុងអំពាវនាវឱ្យមានការវិលត្រឡប់ពីសំណាក់សិស្សបរទេសផងដែរ។
សូមជម្រាបថា គិតត្រឹមថ្ងៃទី ១ វិច្ឆិកា ប្រទេសជប៉ុនបានរាយការពីចំនួនឆ្លងថ្មីចំនួន ៨៦ ករណី ដែលធ្វើករណីឆ្លងសរុបក្នុងប្រទេសនេះកើនឡើងដល់ជាង ១ លាន ៧សែននាក់ និងចំនួនអ្នកស្លាប់សរុបកើនដល់ ១ ម៉ឺន ៨ ពាន់នាក់ហើយ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
