តែឥឡូវនេះ មានផ្សារខ្មែរមួយទៀត នៅក្នុងប្រទេសវៀតណាម គឺនៅទីក្រុងហូជីមីញ។ ប៉ុន្តែ ផ្សារខ្មែរនេះ គឺវៀតណាមជាអ្នកលក់ដូរទេ។
សារព័ត៌មាន VN Expressចុះផ្សាយអត្ថបទរូបភាពមួយ ដោយហៅផ្សារមួយនៅក្នុងស្រុកទី១០ នៃទីក្រុងហូជីមីញ ថាជាផ្សារខ្មែរ ព្រោះតែផ្សារនេះលក់របស់របរប្រើប្រាស់ និងគ្រឿងឧបភោគបរិភោគបែបខ្មែរ។
បង្អែមគ្រប់មុខបែបខ្មែរ រសជាតិខ្មែរ ដាក់លក់នៅក្នុងផ្សារខ្មែរ ក្រុងហូជីមីញ។
(រូបភាព៖ VN Express)
អត្ថបទគួរអាន !!
បើតាមការចុះផ្សាយរបស់សារព័ត៌មានដដែល ផ្សារនេះ ថ្វីត្បិតតែគេដាក់ឈ្មោះថា ផ្សារខ្មែរ ប៉ុន្តែ អ្នកលក់គឺជាជនជាតិវៀតណាមទេ។
ជនជាតិវៀតណាមដែលបង្កើតផ្សារនេះដំបូង គឺជាជនជាតិវៀតណាមដែលធ្លាប់រស់នៅក្នុងទឹកដីកម្ពុជានៅមុនសម័យសង្គ្រាម ប៉ុន្តែ ត្រូវបានភៀសខ្លួន គ្រាដែលកម្ពុជាកើតមានសង្គ្រាមស៊ីវិល កាលពីជាង ៤០ឆ្នាំមុន។
ត្រួយនិងផ្កាស្ដៅទាំងនេះ ក៏ទិញពីខ្មែរយកទៅលក់ផងដែរ។
(រូបភាព៖ VN Express)
អ្វីៗដែលលក់ដូរនៅទីនេះ គឺជាផលិតផលបែបទំនៀមទម្លាប់ខ្មែរ និងរសជាតិបែបខ្មែរ ដូចជា នំបញ្ចុក ត្រីងៀតត្រីប្រលាក់ដែលទិញពីខ្មែរទៅ បង្អែមខ្មែរ បន្លែស្លឹកនិងផ្កាស្ដៅសម្រាប់ធ្វើញាំ និងជាអន្លក់សម្រាប់ទឹកគ្រឿងបែបខ្មែរ ជាដើម។
សព្វថ្ងៃ ផ្សារនេះរីកកាន់តែធំ មានលក់គ្រឿងឧបភោគបរិភោគរបស់វៀតណាមដែរ ប៉ុន្តែ នៅសល់តូបលក់ប្រមាណ ១៥តូប ដែលលក់អ្វីៗជារបស់បែបខ្មែរសុទ្ធសាធ៕
