ហេតុអ្វីបានជាអតិផរណានៅតំបន់ចាយប្រាក់អឺរ៉ូធ្លាក់ចុះដល់២,៤%?
ព័ត៌មាន
•
ប្រទេសនៅតំបន់ចាយប្រាក់អឺរ៉ូ បានឃើញការធូរស្រាលឡើងវិញ បន្ទាប់ពីកំណើនអតិផរណាបានធ្លាក់ចុះច្រើនជាងការរំពឹងទុកដល់២,៤% ជាលើកដំបូងនៅក្នុងខែ…
លោក ប្រាមូត ចារឿនស៊ីប ( Pramote Chareonsilp) ប្រធានសមាគមកសិករថៃ បានមានប្រសាសន៍ថា បច្ចុប្បន្នតម្លៃនៅថៃ បានហក់ឡើងដល់១ម៉ឺន២ពាន់បាត ឬជាង៣៤០ដុល្លារក្នុងមួយតោន ដែលជាកម្រិតមួយខ្ពស់បំផុតមិនធ្លាប់មានក្នុងរយៈពេល១៧ឆ្នាំកន្លងមកនេះ ខណៈកាលពីមុនអង្កររបស់ថៃ មានតម្លៃចន្លោះពី៨ពាន់ទៅ៩ពាន់៥រយបាត ឬប្រមាណជិត២៣០ដុល្លា ទៅជិត២៨០ដុល្លារ ក្នុងមួយតោន។ នេះជាតួលេខវិជ្ជមានមួយសម្រាប់វិស័យស្រូវអង្ករ និងប្រជាកសិករថៃ។
នៅក្នុងរយៈពេល១០ខែឆ្នាំ២០២៣ ការនាំចេញអង្កររបស់ថៃ បានកើនឡើងជាង១១% ពោលគឺមានជិត៧លានតោន ដោយគិតជាប្រាក់មានជិត១៤០ពាន់លានបាត ឫជិត៤ពាន់លានដុល្លារ កើនឡើងជិត២៥% បើធៀបនឹងរយៈពេលដូចគ្នាកាលពីឆ្នាំមុន។ តួលេខនេះបានបញ្ជាក់ឱ្យឃើញថា ការកើនឡើងនេះ គឺមានទំនាក់ទំនងទៅនឹងការកើនឡើងនៃតម្លៃអង្ករវៀតណាម នាពេលបច្ចុប្បន្ន ដែលមានតម្លៃខ្ពស់ជាងអង្ករថៃ ពី៧០ទៅ៩០ដុល្លារក្នុងមួយតោន។
ការរឹតបន្តឹងការនាំចេញអង្កររបស់ឥណ្ឌា រួមជាមួយនឹងវិធានការដើម្បីរក្សាស្ថិរភាពតម្លៃស្រូវរបស់ប្រទេសថៃ តាមរយៈការទិញដោយសហករណ៍លើសពីអត្រាទីផ្សារ ជាមួលហេតុមួយជួយរួមចំណែកដល់ការកើនឡើងតម្លៃអង្ករថៃនៅពេលនេះ។ បច្ចុប្បន្នរោងម៉ាស៊ីនកិនស្រូវនានានៅថៃ បានទិញស្រូវយ៉ាងសកម្មពីកសិករសម្រាប់ការនាំចេញ ដែលបានបញ្ជាទិញជាមុន ដោយរំពឹងថា តម្លៃអង្ករថៃនឹងបន្តរក្សានិន្នាការកើនឡើង។
លោក ប្រាមូត បាននិយាយថា ជាមួយនឹងលទ្ធផលនៃការប្រមូលផលស្រូវប្រមាណជា៧០% ដែលប្រមូលបាន ជាពិសេសស្រូវសនៅតំបន់កណ្តាល កសិករដែលរក្សាទុកស្រូវស្ងួត ត្រូវបានគេរំពឹងថា នឹងទទួលបានអត្ថប្រយោជន៍ពីការកើនឡើងតម្លៃបន្ថែមទៀត។ យ៉ាងណាមិញលោក ក៏បានព្រមានពីហានិភ័យផងដែរ ពីព្រោះតម្លៃស្រូវ និងអង្ករល្អនៅពេលនេះបានលើកទឹកចិត្តឱ្យកសិករបង្កើនការវិនិយោគ លើដំណាំនេះជាលើកទីពីរ ប៉ុន្តែកុំភ្លេចបញ្ហាអកាសធាតុ និងបញ្ហាហានិភ័យបំណុល៕
ដោយៈ សរ សុជាតិ
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
