Advertisement
អចលនទ្រព្យ

អ្នក​ជំនាញ៖ តំបន់ថ្មីថ្មោង២​ក្នុង​ក្រុង​ភ្នំពេញ នឹងក្លាយជាតំបន់​ពាណិជ្ជកម្មដ៏មានសក្តានុពល


រាជធានីភ្នំពេញត្រូវបានពង្រីកការអភិវឌ្ឍឥតឈប់ឈរ ដើម្បីឆ្លើយទៅនឹងកំណើនប្រជាពលរដ្ឋដែលបានបោះទីលំនៅឋាន និង ពាណិជ្ចកម្ម។ ហើយដើម្បីបញ្ចៀសប្រជាពលរដ្ឋ រស់នៅកកកុញច្រើនពេកនៅក្នុងទីក្រុង ដែលបង្កឲ្យមានបញ្ហាការកកស្ទះចរាចរណ៍ សំរាម និង ការប្រឈមមួយចំនួនទៀត រដ្ឋាភិបាលបានរៀបចំប្លង់មេក្រុង ពង្រីកបន្ថែមនូវ ហេដ្ឋារចនាសម្ព័ន្ធរូបវ័ន្តជាច្រើន។ ស្របគ្នានេះដែរ តំបន់ជាយក្រុងភ្នំពេញ​ជាច្រើន ក៏ត្រូវបានអភិវឌ្ឍន៍ជាលំនៅឋានបែបខុនដូរ បុរី ឬ អគារពាណិជ្ជកម្មជាច្រើនផងដែរ។
លោក សន សៀប ស្ថាបនិក និងជាប្រធានក្រុមហ៊ុនអចលនទ្រព្យ Key Real Estate ( រូបថត៖ ហេង ភិរម្យ)
ដោយ
Advertisement

លោក សន សៀប អគ្គនាយកក្រុមហ៊ុនអចលនទ្រព្យ Key Real Estate ជាអ្នកជំនាញផ្នែកអចលនទ្រព្យបានវាយតម្លៃថា បច្ចុប្បន្ន នៅរាជធានីភ្នំពេញ តំបន់ដែលមានសក្តានុពលសេដ្ឋកិច្ចខ្លាំងដែលទើបមានការអភិវឌ្ឍន៍ថ្មីថ្មោង ហើយតម្លៃដីនិងផ្ទះសម្បែងបានកើនឡើងយ៉ាងខ្លាំងពីមួយឆ្នាំ ទៅមួយឆ្នាំ គឺ តំបន់ជ្រោយចង្វារ និង បឹងទំពុន ឬ ផ្លូវ៦០ម៉ែត្រ។

អគ្គនាយកក្រុមហ៊ុនអចលនទ្រព្យ Key Real Estate រូបនេះ បានប្រាប់ឲ្យដឹងទៀតថា បច្ចុប្បន្ន តំបន់ដែល High Class ល្អជាងគេ គឺ តំបន់កោះពេជ្រ ដែលមានការអភិវឌ្ឍខ្លាំងយូរមកហើយ នៅទីនោះ មានអគារលំដាប់ថ្នាក់អន្តរជាតិជាច្រើន មជ្ឈមណ្ឌលពាណិជ្ជកម្ម បុរី និង ខុនដូរយ៉ាងច្រើនស្អេកស្កះ ដូចប្រទេសអភិឌ្ឍន៍។

ដោយឡែកអ្វីដែលគួរឲ្យកត់សម្គាល់នោះ គឺតំបន់អភិវឌ្ឍន៍ថ្មីថ្មោង ដែលនឹងក្លាយជាទីក្រុងរណបប្រកបដោយសក្តានុពលខ្លាំង គឺ ៖

  1. តំបន់ជ្រោយចង្វារ ជាតំបន់អភិវឌ្ឍន៍ថ្មី ដែលនៅដីទំនេរច្រើន ងាយស្រួលក្នុងការអភិវឌ្ឍន៍ វិនិយោគធំៗ ដែលមានសក្តានុពលខ្លាំង ពីព្រោះ តំបន់នោះ មានផ្លូវ លូ និង ដីចាក់ស្មើរួចហើយ រង់ចំាតែការវិនិយោគសាងសង់អគារផ្សេងៗតែប៉ុណ្ណោះ។
  2. តំបន់បឹងទំពុន ឬ ផ្លូវ៦០ម៉ែត្រ ដែលទីនោះ តម្លៃដីឡើងថ្លៃលឿន ពីព្រោះ ដីនៅធំទូលាយច្រើន ដែលអំណោយផលសម្រាប់វិនិយោគិនបរទេស ដែលចង់មកវិនិយោគនៅភ្នំពេញ។ បច្ចុប្បន្ន ហាងឆេងដីធ្លីនៅទីនោះ គេចែកជាផ្នែកៗ ដោយតម្លៃដីខ្ពស់បំផុតនៅតំបន់នោះ មានតម្លៃចន្លោះ ពីង ១០០០ ទៅ ១៥០០ ដុល្លារអាមេរិកក្នុងមួយម៉ែត្រការ៉េ និង តំបន់ទាបបំផុត តម្លៃចន្លោះ ពី ៣០០ ទៅ ៤០០ដុល្លារអាមេរិក ក្នុងមួយម៉ែត្រការ៉េ។ នៅថ្ងៃអនាគត តំបន់អភិវឌ្ឍន៍ថ្មី ទំាង ២ ខាងលើនេះ នឹងក្លាយជាការអភិវឌ្ឍន៍ទីក្រុងរណបដ៏ធំ ជាមជ្ឈមណ្ឌលពាណិជ្ជកម្មទំនើប និង ជាទីកន្លែងដ៏ល្អសម្រាប់ការវិនិយោគ៕   

Advertisement
© 2018 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ទិន្នផលស្វាយខុសរដូវឆ្នាំនេះ កំពុងរងទុក្ខដោយសារបញ្ហាអាកាសធាតុ

ព័ត៌មាន
ទីផ្សារនាំចេញស្វាយរបស់កម្ពុជា នៅប៉ុន្មានឆ្នាំចុងក្រោយនេះ ហាក់មានវិសាលភាពធំគួរសម ដូចបាននាំចេញទៅទីផ្សារ អឺរ៉ុប ប្រទេសបារាំង ចិន ថៃ ន...

ផ្សារជាប់ព្រំដែនកម្ពុជាវៀតណាមនឹងត្រូវសាងសង់ឆ្នាំ២០១៨! តែអ្នកជំនាញថា វៀតណាមនឹងទទួលប្រយោជន៍បានច្រើនជាង!

ព័ត៌មាន
ផ្សារដារ ជាផ្សារគំរូព្រំដែនកម្ពុជា វៀតណាម ដែលគ្រោងនឹងសាងសង់ឡើងនៅខេត្តត្បូងឃ្មុំនោះ ត្រូវបានរដ្ឋាភិបាលប្រទេសទាំងពីរ បើកកិច្ចប្រជុំពិភាក្ស...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ