ទីផ្សារឡានមួយទឹកត្រូវប៉ាន់ ស្របពេលពលរដ្ឋខ្មែរដែលមានជីវភាពបង្គួរមានការកើនឡើង

លោក ប៊ុន រតនា អាជីវករលក់ឡានមួយទឹក បានប្រាប់ខេមបូណូមីសថា លោកបាននាំចូលឡានមួយទឹកពីសហរដ្ឋអាមេរិក ដោយសារប្រជាជនខ្មែរចូលចិត្តជិះឡានប្រភេទលុចស៊ីស ប្រ៊ូស និងកាមេរី ដែលនាំចូលពីអាមេរិក ហើយវាក៏មានតម្លៃធូរថ្លៃផងដែរ។ 

លោកពន្យល់យ៉ាងដូច្នេះថា៖ «ទីផ្សាររថយន្តមួយទឹកនៅស្រុកខ្មែរមានយូរហើយ តាំងពីបែកឆ្នាំ១៩៧៩មក ខ្មែរយើងប្រើតែរបស់មួយទឹកទេ ដូចជា ខោអាវជជុស និងរថយន្តមួយទឹកនេះ ដោយសារ វាធូរថ្លៃ ហើយទិញបានរថយន្តស៊េរីទំនើប»។   

បើតាម លោក ប៊ុន រតនា ការទិញរថយន្តមួយទឹក ក៏មានហានីភ័យផងដែរ។ លោកណែនាំថា អតិថិជន គួរតែស្វែងរកក្រុមហ៊ុន ឬឃ្លាំង ដែលត្រឹមត្រូវ និងត្រូវស្វែងរកការធានានៅពេលសម្រេចចិត្តទិញរថយន្តមួយទឹក។