យក្សលក់លៀសហាលកណ្ដាលក្រុងភ្នំពេញ

នេះ​មិនមែន​ជា​ការសម្ដែង​ទេ ប៉ុន្តែ​វា​ជាការ​ពិត។ បុរស​វ័យ​កណ្ដាល​ម្នាក់​តុប​តែង​ខ្លួន​គូរ​មុខ​មាត់​ជា​យក្ស​ល្ខោន​ រុញ​រទេះ​លក់​លៀស​ហាល​នៅ​តាម​ដង​វិថី​នានា​ក្នុងរាជធានី​ភ្នំពេញ។ នេះ​អាច​ចាត់​ទុក​ថា​ជា​ការច្នៃ​ប្រឌិត​ដ៏​ប្លែក​មួយ​ទៀត ដែល​បុរស​ម្នាក់​នេះ​​ធ្វើ​របៀប​នេះ ដោយ​សង្ឃឹម​ថា​នឹង​ទាក់ទាញ​មនុស្ស​ម្នា​ឲ្យ​ទិញ​លៀស​ហាល​របស់​គាត់។ ដូច្នេះ បើ​លោក​អ្នក​ឃើញ​យក្ស​រុញ​រទេះ​លក់​លៀស​ហាល សូម​កុំ​ភ្ញាក់​ផ្អើល ហើយ​ជួយ​ទិញ​គាត់​ផង៕