៥ចំណុចសំខាន់ដែលពិភពលោកកំពុងតាមដានពីជំនួបកំពូលរវាងលោក ដូណាល់ ត្រាំ និងលោក ស៊ី ជីនពីង នៅក្នុងកិច្ចប្រជុំកំពូល APEC នៅកូរ៉េខាងត្បូង
ដោយ
ប្រទេសកូរ៉េខាងត្បូង ត្រូវធ្វើជាម្ចាស់ផ្ទះទទួលរៀបចំកិច្ចប្រជុំកំពូល នៃវេទិកាកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក ហៅកាត់ថា APEC សម្រាប់ឆ្នាំ២០២៥ នេះ ខណៈដែលប្រធានាធិបតីកូរ៉េខាងត្បូង លោក លី ចេ ម្យុង កំពុងព្យាយាមរក្សាតុល្យភាពរវាងទំនាក់ទំនងជាមួយសហរដ្ឋអាម៉េរិក និងមហាយក្សចិន។ ជំនួបដែលពិភពលោកទន្ទឹងរង់ចាំជាយូរមកហើយរវាងលោក ដូណាល់ ត្រាំ និងលោក ស៊ី ជីនពីង នៅមុនពេលកិច្ចប្រជុំកំពូល APEC ចាប់ផ្ដើមនៅថ្ងៃសុក្រ ទី៣១ ខែតុលា នេះ អាចជះឥទ្ធិពលលើរបៀបវារៈកិច្ចប្រជុំកំពូលនៅក្នុងសប្តាហ៍នេះ។