#កម្ពុជានឹងអភិវឌ្ឍន៍ខេត្តកំពង់ធំ

ក្រសួងស្ថាប័នពាក់ព័ន្ធកំពុងរៀបចំផែនការអភិវឌ្ឍន៍វិស័យទេសចរណ៍ខេត្តកំពង់ធំ ដើម្បីលើកកម្ពស់ជីវភាពរស់នៅប្រចាំថ្ងៃរបស់ប្រជាជន និងធ្វើពិពិធកម្មមូលដ្ឋានកំណើនសេដ្ឋកិច្ចក្នុងខេត្តកំពង់ធំ ក្រៅពីវិស័យកសិកម្ម និងកសិ-ឧស្សាហកម្ម។ តាមរយៈផែនការនេះកម្ពុជារំពឹងថា ខេត្តដែលស្ថិតនៅចំណុចកណ្តាលរបស់កម្ពុជាមួយនេះនឹងលែងគ្រាន់តែជាកន្លែងភ្ញៀវឆ្លងកាត់ ឬទៅហួសមកហួសដូចមុន ពោលគឺនឹងក្លាយជាខេត្តគោលដៅកម្សាន្តអន្តរខេត្តទី១នៅក្នុងរយៈពេលពី៣ទៅ៤ឆ្នាំខាងមុខ មុននឹងទេសចរទៅដល់ខេត្តសៀមរាប ឬខេត្តព្រះវិហារ ឬរាជធានីភ្នំពេញ។