#កម្ពុជាមានផ្ទៃដីដាំដុះដំណាំស្វាយចន្ទីជាង៥៨ម៉ឺនហិកតា

បច្ចុប្បន្នកម្ពុជាមានផ្ទៃដីដាំដុះដំណាំស្វាយចន្ទីសរុបជាង៥៨ម៉ឺនហិកតា។ នេះបើយោងតាមទិន្នន័យផ្ទៃដីដាំដុះដំណាំស្វាយចន្ទីជាតិប្រចាំឆ្នាំ២០២៤ ដែលទើបដាក់ឱ្យប្រើប្រាស់ដោយក្រសួងកសិកម្ម រុក្ខាប្រមាញ់ និងនេសាទនៅព្រឹកថ្ងៃទី២៥ ខែតុលា ឆ្នាំ២០២៤។ តាមរយៈទិន្នន័យ ដែលទើបធ្វើបច្ចុប្បន្នភាពដោយប្រើប្រព័ន្ធផ្កាយរណបនេះ អ្នកជំនាញរំពឹងថា វានឹងជួយជំរុញការអភិវឌ្ឍវិស័យស្វាយចន្ទីនៅកម្ពុជាឱ្យកាន់តែមានភាពរីកចម្រើនបន្ថែមទៀត។