#ការចរចាសន្តិភាព

ប្រធានាធិបតីរុស្ស៊ី លោក វ៉្លាឌីមៀ ពូទីន និងលោក វ៉្លូឌីមៀ ហ្សេឡិនស្គី ប្រធានាធិបតីអ៊ុយក្រែន បានព្រមព្រៀងគ្នាជាគោលការណ៍ចំពោះបទឈប់បាញ់លើផ្នែកមួយចំនួន ក្រោយមានការជួយសម្របសម្រួលពីលោកប្រធានាធិបតី ដូណាល់ ត្រាំ បើទោះបីជាគេនៅមិនទាន់អាចទាយទុកជាមុនបានថា តើកិច្ចព្រមព្រៀងបទឈប់បាញ់នេះនឹងចេញនៅពេលណាក៏ដោយ។ សេតវិមានបានអះអាងថា មន្ត្រីអាម៉េរិក រុស្ស៊ី និងអ៊ុយក្រែន អាចជួបជជែកគ្នាក្នុងក្របខណ្ឌបច្ចេកទេសជាប្រវត្តិសាស្ត្រនៅប៉ុន្មានថ្ងៃខាងមុខនេះនៅប្រទេសអារ៉ាប៊ីសាអូឌីត។ នេះបើយោងតាមការចុះផ្សាយរបស់ទីភ្នាក់ងារព័ត៌មាន អេភី។