#ការំលាយសភាថៃ

សង្គ្រាមឈ្លានពានទាំងកំរោលរបស់យោធាថៃ មកលើដែនអធិតេយ្យភាពកម្ពុជា ឈានចូលដល់ថ្ងៃទី៦ហើយ គិតត្រឹមថ្ងៃទី១២ ខែធ្នូនេះ ស្របពេលដែលព្រះមហាក្សត្រថៃ បានយល់ព្រមរំលាយសភាតាមសំណើរបស់លោក អានុទីន ឆានវីរៈគុល។ អ្នកជំនាញ និងអ្នកតាមដានស្ថានការណ៍សង្គម បានចាត់ទុកការសម្រេចរំលាយសភាថៃ នៅក្នុងកាលៈទេសៈនេះ គឺនឹងធ្វើឱ្យបញ្ហាសង្រ្គាមរវាងកម្ពុជា-ថៃ កើនឡើងកម្តៅកាន់តែខ្លាំង និងអូសបន្លាយពេលយូររកច្រកចេញមិនរួច ដ្បិតសិទ្ធិសម្រេចក្នុងជម្លោះព្រំដែនជាមួយកម្ពុជានឹងធ្លាក់ក្នុងកណ្ដាប់ដៃរបស់ក្រុមយោធាថៃ ដែលគ្រប់គ្រងដោយព្រះមហាក្សត្រទាំងស្រុង។