#ជម្លោះចិន និងជប៉ុន

ជម្លោះរវាងចិន និងជប៉ុន ដែលកំពុងឡើងកម្តៅខ្លាំង ត្រូវបានគេប៉ាន់ប្រមាណថា អាចនឹងធ្វើឲ្យប្រទេសទាំងពីរខាតបង់សេដ្ឋកិច្ចរាប់ពាន់លានដុល្លារ ហើយប្រសិនបើបញ្ហានេះបន្តរីកប៉ោងកាន់តែធំនោះការខាតបង់នឹងរីកកាន់តែធំផងដែរ។ អ្នកវិភាគបានវាយតម្លៃថា សម្រាប់ជប៉ុន បើភ្ញៀវទេសចរចិន ធ្វើពហិការមិនមកលេងប្រទេសខ្លួន នោះជប៉ុន អាចខាតបង់រហូតដល់ជិត១០ពាន់លានដុល្លារក្នុងមួយឆ្នាំ និងខាតបង់រាប់លានដុល្លារពីការបិទការនាំចូលអាហារសមុទ្ររបស់ចិន។