#ជម្លោះព្រំដែនកម្ពុជា-ថៃ

ក្រុមបាតុករជ្រុលនិយមថៃ កាលពីពេលថ្មីៗនេះ បានប្រមូលផ្តុំគ្នានៅមុខស្ថានទូតម៉ាឡេស៊ី និងស្ថានទូតអាម៉ររិក ប្រចាំទីក្រុងបាងកក ដើម្បីទាមទារឱ្យប្រទេសទាំងពីរឈប់ជ្រៀតជ្រែកអធិបតេយ្យភាពរបស់ថៃ និងរបៀបដែលទីក្រុងបាងកក ដោះស្រាយបញ្ហាជម្លោះព្រំដែនជាមួយកម្ពុជា។ អ្នកជំនាញចាត់ទុកទង្វើរបស់ក្រុមបាតុករជ្រុលនិយមថៃនេះ មិនត្រឹមតែមិនជួយជំរុញទៅរកការដោះស្រាយដោយសន្តិវិធីដោយទ្វេភាគីនោះទេ ប៉ុន្តែផ្ទុយទៅវិញជំរុញឱ្យបញ្ហាជម្លោះនេះកាន់តែមានភាពតានតឹងជាងមុន។